މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށް ތިންމީހަކު ހޯދަން އިއުލާނު ކޮށްފިއެވެ.
ހުޅުމާލެ ފޭސް 2 ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށް ހާޒިރުވުމަށް އަންގައި އިއުލާނު ކޮށްފައިވަނީ، އަލީ ޝަރީފް / ހއ. ތުރާކުނު، އަސުރުމާގެ، އަލީ ޝަމީމް / ލ. ގަން، މަތިމަރަދޫ އަދި އާއިޝަތު ނުހާ / އދ. ކުނބުރުދޫ، މާބަގީޗާގެ އެވެ.
ފުލުހުން ވަނީ، މައްސަލައިގެ ތަހުގީގަށް ސުވާލުކުރުމަށް ހުޅުމާލެ ފޭސް 2 ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 މެއި 21 ވަނަ ދުވަހުގެ 11:00 އަށް ހާޒިރުވުމަށް އަންގާފައެވެ.
މައްސަލަތަކުގެ ތަހުގީގަށް މީހުން ހޯދަން އިއުލާނު ކުރަނީ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ފަރާތްތަކުގެއެވެ. މިގޮތަށް އިއުލާނުކުރަނީ ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިންނެވެ.