ކުރިއަށް އޮތް ދެ ދުވަހު ވެސް ރާއްޖެ އަށް ގޯސްވާނެ ކަމަށާއި ވައިގަދަވެ، އުދައަރާފާނެ ކަމަށް ލަފާކުރެވޭތީ ސަމާލުވެ، ރައްކާތެރިވުމަށް މޫސުމާބެހޭ ޤައުމީ އިދާރާއިން އިލްތިމާސްކޮށްފި އެވެ.
ރާއްޖެއަށް މިހާރު ކުރަމުން އަންނަ ވިއްސާރަ އަކީ ހުޅަނގު މޫސުން ފެށުމާ ގުޅިގެން ކުރާ ވިއްސާރައެކެވެ. އެގޮތުން ރާއްޖޭގެ އެކި ހިސާބުުތަކަށް ބޯކޮށް ވާރޭ ވެހޭނެ ކަމަށް ލަފާކޮށްފައިވެ އެވެ. މޫސުމާ ބެހޭ ޤައުމީ އިދާރާއިން ބުނީ ފާއިތިވި 24 ގަޑިއިރު، ރާއްޖޭގެ ހުރިހާ ހިސާބުތަކަށްވެސް ވިއްސާރަކޮށްފައިވާއިރު އެންމެ ގިނައިން ވެހިފައި ވަނީ ގދ. ތިނަދޫ އަށް ކަމަށެވެ. އެ ސިޓީ އަށް 18.3 މިލިމީޓަރުގެ ވާރޭ ވެހިފައިވެއެވެ.
ދެން އެންމެ ގިނައިން ވާރޭވެހުިފައި ވަނީ ގދ. ކާޑެއްދުއަށެވެ. އެ ރަށަށް 17.4 މިލިމީޓަރުގެ ވާރޭ ވެހިފައިވެ އެވެ.
މޫސުމާ ބެހޭ އިދާރާއިން ކުރިއަށް އޮތް 24 ގަޑިއިރު އެކި ހިސާބުތަކަށް ގުގުރުމާއެކު ބޯކޮށް ވާރޭވެހުން އެކަށީގެންވެއެވެ. އަދި ހުޅަނގު އުތުރުން ގަޑިއަކު 10-20 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި، ވިލާގަނޑުގައި ގަޑިއަކު ގާތްގަނޑަކަށް 40 މޭލުގެ ބާރުމިނަށް ވައިގަދަވާނެ ކަމަށް ވެސް ލަފާކޮށްފައިވެ އެވެ.
މިހާރު ކުރަމުންދާ ވިއްސާރަ، ފަސް ދުވަހަށް ދެމިގެން ދާނެ ކަމަށް ވެސް ލަފާކޮށްފައިވެ އެވެ.
މީގެ ކުރިން ވެސް އެކި ދުވަސްވަރު އުދަ އަރައި ގެއްލުންތަކެއް ލިބިފައިވާތީ، މި ދުވަސްވަރު އެފަދަ ގެއްލުންތަކުން ދުރާލައި ރައްކާތެރިކލަން ހޯދަން ފިޔަވަަޅުތައް އެޅުމަށް ކަމާބެހޭ އިދާރާތަކުން އިލްތިމާސްކޮށްފައިވެ އެވެ.