ވޯކް ވިސާ ޖެހުމަށް ފަހު ޕާސްޕޯޓު ބަލައި ދިޔުމަށް އޮންލައިކޮށް ނަންބަރު ނެގޭ ގޮތަށް އިންތިޒާމުތައް ހަމަޖައްސަން އިމިގްރޭޝަނުން ނިންމަައިފި އެވެ.
އެތަނުން ބުނީ ވޯކް ވިސާއަށް ފަހު ޕާސްޕޯޓާ ހަވާލުވުމަށް "އޭންޓް ކިޔޫ" އެޕްލިކޭޝަން މެދުވެރިކޮށް އޮންލައިންކޮށް މާދަމާ އިން ފެށިގެން ނަންބަރު ނެގޭނެ ކަމަށެވެ. މިހާތަނަށް މިކަން ކުރަމުން އައީ ޕާސްޕޯޓާ ހަވާލުވުމަށް އިމިގްރޭޝަނަށް ގޮސް ނަންބަރު ނަގައިގެންނެވެ. އިމިގްރޭޝަނުން ބުނީ "އޭންޓް ކިޔޫ" އެޕްލިކޭޝަން މެދުވެރިކޮށް ކިއުގައި ޚިދުމަތް ދެމުން އަންނަ ތަރުތީބު ވެސް ބަލައިލެވޭނެ ކަމަށެވެ. އެވެ. މި އެޕް ގޫގުލް ޕްލޭ އާއި އެޕް ސްޓޯރުން ޑައުންލޯޑް ކުރެވޭ އެވެ.
"އޭންޓް ކިއު" އަށް ނަންބަރު ދޫކުރަނީ ހެނދުނު 9:00 އިން 10:30 އަށެވެ. އަދި، އެ ނަންބަރުތަކަށް ޚިދުމަތް ދޭނީ ހެނދުނު 10:00 އިން މެންދުރު ފަހު 3:00 އަށެވެ.
މީގެ ކުރިން ވަރކް ވިސާ ޖެހުމަށްފަހު ޕާސްޕޯޓާއި ހަވާލުވުމަށް ނަންބަރު ދޫކުރަމުން ދިއައީ އިމިގްރޭޝަނަށް ހާޒިރުވުމުން ކަމުގައި ވީނަމަވެސް، ދެން "އޭންޓް ކިޔޫ" އެޕްލިކޭޝަން މެދުވެރިކޮށް ކޮންމެ ތަނެއްގައި ހުރެ ވެސް އޮންަލައިންކޮށް ނަންބަރު ނެގޭނެ، އަދި ކިއުގެ ޚިދުމަތް ދެމުންދާ ތަރުތީބު… pic.twitter.com/ahQ6BGYXf4
— Maldives Immigration (@ImmigrationMV) May 17, 2024
އިމިގްރޭޝަނުން ބުނީ ހައެއް ނުވަތަ އެ އައަށް ވުރެ ގިނަ ޕާސްޕޯޓު ނެގުމަށް ނަމްބަރު ދޫކުރުމަށް ހަމަޖެހިފައިވަނީ ހެނދުނު 11:30 އިން 12:30 ގެ ނިޔަލަށް ކަމަށެވެ. އެ ގަޑީގައި ނަގާ ނަންބަރުތަކަށް މެންދުރު ފަހު 1:15 އިން 3:00ގެ ނިޔަލަށް ޕާސްޕޯޓު ދޫކުރާނެ އެވެ.