ލެއާ ގުޅޭ ހުރިހާ ޚިދުމަތްތައް ހިމެނޭހެން "ފުލް ފްލެޖްޑް" ބްލަޑް ބޭންކު އައްޑު އާއި ކުޅުދުއްފުށީގައި މި އަހަރުގެ ތެރޭގައި ބްލަޑް ބޭންކް ގާއިމު ކުރާނެ ކަމަށް ހެލްތު މިނިސްޓަރު ޑރ. ޢަބްދުﷲ ހަލީލު ވިދާޅުވެއްޖެ އެވެ.
މިނިސްޓަރު ވިދާޅުވީ މިހާރު ވެސް ރާއްޖޭގެ ފަސް ސަރަހައްދެއްގައި ބްލަޑް ބޭންކުތައް އެބަހުރި ކަމަށެވެ. ނަމަވެސް އެތަންތަން ހުރީ އެންމެ އެކަށީގެންވާ ގޮތަށް ލޭ ރައްކާކުރެވޭ ފަދަ އިންތިޒާމުތަކަކާ އެކީ ނޫން ކަމަށް ވިދާޅުވި އެވެ. ހަލީލު ވިދާޅުވި ގޮތުގައި
"ފުލް-ފްލެޖްޑް" ބްލަޑް ބޭންކެއް އަތޮޅުތަކުގެ އެއްވެސް ސަރަޙައްދެއްގައި އަދިއެއް ނެތެވެ.
އެހެންވެ ރައީސް ޑރ. މުޙައްމަދު މުޢިއްޒުގެ ވަޢުދުފުޅާ އެއްގޮތަށް ރާއްޖޭގެ ފަސް ސަރަޙައްދެއްގައި ލެއާ ގުޅޭ ހުރިހާ ޚިދުމަތެއް ހިމެނޭހެން ބްލަޑް ބޭންކުތައް ޤާއިމްކުރަން ނިންމާފައިވާ ކަމަށް މިނިސްޓަރު ވިދާޅުވި އެވެ.
ހަލީލު ވިދާޅުވީ ބްލަޑް ބޭންކްތައް ގާއިމުކުރުމަށްޓަކައި ރާއްޖޭގެ ފަސް ސަރަހައްދެއްގެ ހޮސްޕިޓަލުތަކެއް ރިވިއުކޮށް މަޢުލޫމާތު އެއްކޮށް، އެ މަޢުލޫމާތުގެ މައްޗަށް ބިނާކޮށް މިއަހަރުގެ ތެރޭގައި އައްޑު އާއި ކުޅުދުއްފުށީފައި "ފުލް-ފްލެޖްޑް" ބްލަޑް ބޭންކު ގާއިމު ކުރެވޭނެ ކަމަށެވެ.