ޒުވާނުންނަށް ހާއްސަކޮށްގެން އަންނަ ހުކުރު ދުވަހުގެ ރޭ ކަރޯކޭ ނައިޓެއް ބާއްވަން ޔޫތު މިނިސްޓްރީން ނިންމުމާ ގުޅިގެން އަލީ ރަމީޒު އެކަމާ ކަންބޮޑުވުން ފާޅުކޮށްފި އެވެ.
ސަލަފު ޖަމިއްޔާ އަށް ނިސްބަތްވާ އަލީ ސޯޝަލް މީޑިއާ ޕޯސްޓެއްގައި މިއަދު ބުނީ ޒުވާނުންނަށް އަދި އެ ނޫން ގިންތިއަކަށް ވިޔަސް ﷲ ހަރާމްކުރެއްވި ކަމެއް ރާވައި އިންތިޒާމު ކުރުން ބަލައި ނުގަނެވޭނެ ކަމަށެވެ.
"ކަރޯކޭ ނައިޓް ޔޫތު" ގެ ނަމުގައި މި މަހުގެ 24 ވަނަ ދުވަހުގެ އިވެންޓް ބާއްވަން ނިންމާފައި ވަނީ ޔޫތު ސެންޓަރުގަ އެވެ. އެ ހަރަކާތް އެރޭ 8:30-12:00 އަށް ކުރިއަށް ދާނެ ކަމަށް ޔޫތު މިނިސްޓްރީން ބުންޏެވެ. މިއީ އާންމުކޮޑް ހުޅުވާލައިގެން ހިލޭ ބާއްވާ އިވެންޓެއް ކަމަށް މިނިސްޓްރީން ބުންޏެވެ.
ހަފުތާ ބަންދުތަކާ ދިމާކޮށް ޒުވާނުންނަށް ހާއްސަކޮށްގެން މިފަދަ އިވެންޓްތައް ޔޫތު މިނިސްޓްރީން މިހާރު އަންނަނީ އާންމުކޮށް ބާއްވަމުންނެވެ.