މާލެސިޓީގައި ރައްކާތެރިކަމުގެ ފިޔަވަޅު ނާޅާ މަސައްކަތް ކުރަމުންދިޔަ ތަނެއްގެ މަސައްކަތް މާލެސިޓީ ކައުންސިލުން ހުއްޓުވައިފިއެވެ.
މާލެސިޓީ ކައުންސިލުން ސޯޝަލްމީޑިއާގައި ކުރި ޕޯސްޓެއްގައި ބުނެފައިވަނީ، ރައްކާތެރިކަމުގެ ފިޔަވަޅު ނާޅާ، ޤަވާއިދާއި ހިލާފަށް މަސައްކަތް ކުރަމުންދިޔަ ތަނެއްގެ މަސައްކަތް ހުއްޓުވާ ޖޫރިމަނާ ކުރެވިފައިވާ ކަމަށެވެ.
"މަސައްކަތް ކުރާއިރު އެންމެހާ ބޭފުޅުންވެސް މަސައްކަތުގެ މާހައުލުގެ ރައްކާތެރިކަމަށް ސަމާލުކަން ދެއްވާ." މާލެސިޓީ ކައުންސިލުން ބުނެފައިވެއެވެ.
ރައްކާތެރި ކަމުގެ ފިޔަވަޅު ނާޅާ، ޤަވާއިދާއި ހިލާފަށް މަސައްކަތް ކުރަމުންދިޔަ ތަނެއްގެ މަސައްކަތް ހުއްޓުވާ މިހާރު ވަނީ ޖޫރިމަނާ ކުރެވިފައި، މަސައްކަތް ކުރާއިރު އެންމެހާ ބޭފުޅުންވެސް މަސައްކަތުގެ މާހައުލުގެ ރައްކާތެރިކަމަށް ސަމާލުކަން ދެއްވާ. pic.twitter.com/6k5cO51Ejl
— Malé City Council (@MaleCitymv) May 18, 2024
މާލެސިޓީ ކައުންސިލުން މިފަހުން އަންނަނީ މާލޭގެ ރައްކާތެރިކަމާއި ސާފުތާހިރުކަމަށް ގިނަ މަސައްކަތްތަކެއް ކުރަމުންނެވެ. އެގޮތުން މާލޭގެ މަގުތަކަށް ގަވައިދާ ހިލާފަށް ކުނިއަޅާ ފަރާތްތައްވެސް އަންނަނީ ޖޫރިމަނާ ކުރަމުންނެވެ.