ކާތިކް އާރިއަން ވަރަށް ބުރަ މަސައްކަތްތަކެއްކޮށްފައިވާ ފިލްމު "ޗަންދޫ ޗެމްޕިއަން" ގެ ޓްރެއިލާ ދައްކާލައިފި އެވެ.
އިންޑިއާގެ ކުރީގެ ޕެރަލިމްޕިކް އެތުލީޓު މުރްލީކަންތު ޕެޓްކަރްގެ ރޯލު ޒުވާން އެކްޓަރު ކުޅެފައިވާ މި ފިލްމަކީ ޑައިރެކްޓަރު ކަބީރް ޚާން ގެނެސްދޭ ސްޕޯޓްސް ޑްރާމާއެކެވެ.
އަންނަ މަހުގެ 14 ގައި ސިނަމާތަކަށް ދޫކޮށްލަން ހަމަޖެހިފައިވާ "ޗަންދޫ ޗެމްޕިއަން" ގެ ޓްރެއިލާ އާންމުކުރުމާ އެކީ ވަރަށް ގިނަ ބަޔަކު އަންނަނީ ކާތިކްކޮށްފައިވާ މަސައްކަތްތަކަށް ވަރަށް ބޮޑަށް ތައުރީފު ކުރަމުންނެވެ. މި ފިލްމަށްޓަކައި އޭނަ ވަނީ ހަށިގަނޑަށް ވަރަށް ބޮޑު ބަދަލުތަކެއް ވެސް ގެނެސްފަ އެވެ. އެހެންވެ "ޗަންދޫ ޗެމްޕިއަން" އިން ކާތިކްގެ ބޮޑު ޓްރާންސްފޮމޭޝަންތަކެއް ދައްކުވައި ދޭނެ އެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ މި ފިލްމަކީ ސާޖިދު ނަދިއަދުވާލާ ޕްރޮޑިއުސްކޮށްފައިވާ ފިލްމެކެވެ.