ދ. ބަނޑިދޫ މެޖިސްޓްރޭޭޓު ކޯޓުގެ އާ އިމާރާތް ހުޅުވައިފި އެވެ.
ކޯޓުގެ އާ އިމާރާތް ހުޅުއްވައި ދެއްވީ އިއްޔެ ބޭއްވި ރަސްމިއްޔާތެއްގައި އުއްތަމަފަނޑިޔާރު އަހުމަދު މުއުތަސިމް އަދުނާނެވެ.
އެ ރަސްމިއްޔާތުގައި އުއްތަމަފަނޑިޔާރު ވަނީ ފަނޑިޔާރުކަން ކުރުމުގައި އަދުލުވެރިވުމުގެ އިތުރުން އިހްސާންތެރިކަން އިސްކުރުމަކީ ހުރިހާ ފަނޑިޔާރުންގެ ވާޖިބެއް ކަމަށް ވިދާޅުވެ، އިހުލާސްތެރިކަމާއި ތެދުވެރިކަމާ އެކީ މަސައްކަތްކުރައްވަން ގޮވާލައްވައިފަ އެވެ.
އަދި ޒަމާނަށް އަންނަ ބަދަލުތަކާއެކު ޝަރުއީ ދާއިރާގެ ކަންކަން ހިންގާ ބަލަހައްޓަމުން އަންނަ ގޮތްތަކަށް ވެސް ބަދަލު އަންނަން ޖެހޭކަން ވެސް ފާހަގަ ކުރެއްވި އެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ބުނީ، ބަނޑިދޫ ކޯޓުގެ އާ އިމާރާތް ހުޅުވައި ބޭނުން ކުރަން ފެށުމާ ގުޅިގެން މަސައްކަތްތަކަށް ވަރަށް ބޮޑު ފަސޭހަތަކެއް ލިބިގެން ދާނެ ކަމަށެވެ.