ވަރަށް ބޮޑު މަގުބޫލު ކަމެއް ހޯދި ފިލްމެއް ކަމަށްވާ "ޒީރޯ ޑާކް ތާޓީ" ގެނެސްދިން ޑައިރެކްޓަރު ކެތުރީން ބިގެލޯ އާ ފިލްމަކަށް ތައްޔާރުވާން ފަށައިފި އެވެ.
ވެރައިޓީން ބުނީ އޭނަގެ އާ ފިލްމު ހަދަން ނިންމާފައި ވަނީ ނެޓްފްލިކްސްއާ ގުޅިގެން ކަމަށެވެ. އެކަމަކު މީގެ ނަމާއި ޕްލޮޓާ ބެހޭ އެއްވެސް މައުލޫމާތެއް އަދި ހާމަކޮށްފައެއް ނުވެ އެވެ.
"ޓައިޓޭނިކް" އާއި "އެވަޓާ" ފަދަ ކާމިޔާބު ފިލްމުތައް ގެނެސްދިން މަޝްހޫރު ޑައިރެކްޓަރު ޖޭމްސްގެ ކެމަރޮންގެ ކުރީގެ އަންހެނުން ބިގެލޯ އެންމެ ފަހުން ގެނެސްދިން ފިލްމަކީ 2017 ގެ ޕީރިއަޑް ކްރައިމް ޑްރާމާ "ޑިޓްރޮއިޓް" އެވެ. އޭނަ 2012 ގައި ގެނެސްދިން "ޒީރޯ ޑާކް ތާޓީ" އަކީ އަލް ގައިދާގެ ކުރީގެ ލީޑަރު އުސާބާ ބިން ލާދިން ހޯދަން އެމެރިކާ އިން ކުރި މަސައްކަތުގެ މައްޗަށް ބިނާކޮށް ގެނެސްދިން ފިލްމެކެވެ.
އެ ފިލްމުން ބިގެލޯ، 72، އަށް އޮސްކާ އެވޯޑް ވެސް ލިބިފައިވެ އެވެ.
އޭނަ ޑައިރެކްޓްކުރި އިރުރު ފިލްމުތަކުގެ ތެރޭގައި ދަ ހާޓް ލޮކާ (2008)، ޕޮއިންޓް ބްރޭކް (1991)، ބްލޫ ސްޓީލް (1990)، ނިއާ ޑާކް (1987) އަދި ދަ ލަވްލެސް (1981) ހިމެނެ އެވެ.