އީރާނުގެ ރައީސް އިބްރާހީމް ރައީސީ ދަތުރުކުރައްވަމުން ގެންދެވި ހެލިކޮޕްޓަރު ވެއްޓުނު ހާދިސާގައި އެ ހެލިކޮޕްޓަރު މިހާރު ފެނިފައިވާ ކަމަށާއި އެހެންނަމަވެސް އެ ހާދިސާގައި ދިރިހުރި މީހަކު ފެނުމުގެ އުންމީދެއް ނެތް ކަމަށް އިރާންގެ ރެޑްކްރެސެންޓުން ބުނެފިއެވެ.
އިރާންގެ ރެޑްކްރެސެންޓާ ހަވާލާދީ ބޭރު މީޑިއާތަކުން ބުނެފައިވަނީ، ހެލިކޮޕްޓަރު ވެއްޓުނު ސަރަހައްދަށް ރެސްކިއު ޓީމުތަކަށް ދެވިފައިވާ ކަމަށެވެ. އެހެންނަމަވެސް މިހާދިސާގައި ދިރިހުރި މީހަކު ފެނުމުގެ އުންމީދެއް ނެތްކަމަށްވެސް ރިޕޯޓް ކޮށްފައިވެއެވެ.
ބޭރުގެ ބައެއް މީޑިއާތަކުން މިހާރު ވަނީ މި ހާދިސާގައި އީރާނުގެ ރައީސް އިބްރާހީމް ރައީސީ އަވާރަވެފައިވާކަމަށް އިއުލާނު ކޮށްފައެވެ. އެހެންނަމަވެސް މިކަމާ ގުޅިގެން މިހާތަނަށް އެގައުމުގެ ސަރުކާރުން އަދި ވަކި އެއްޗެއް ހާމަކޮށްފައެއް ނުވެއެވެ.
⚡️ All passengers on the Iranian president’s helicopter were killed, the head of Iran’s Red Crescent said pic.twitter.com/TYi8XDzxSU
— RT (@RT_com) May 20, 2024
އިރާނުގެ މީޑިއާތަކުން ރިޕޯޓުކޮށްފައިވާ ގޮތުގައި އެކްސިޑެންޓު ހިނގީ ރައީސީ، އެގައުމުގެ އަވަށްޓެރި އަޒަރުބައިޖާނަށް ކުރެއްވި ދަތުރުފުޅަށްފަހު އެނބުރި ގައުމަށް ވަޑައިގެންނެވި މަގުމަތީގައެވެ.
އެ ހެލިކޮޕްޓަރުގައި ރައީސީގެ އިތުރުން ފޮރިން މިނިސްޓަރު ހުސައިން އަމީރުއަބްދުލްހާން ވެސް އިންނެވި ކަމަށް ރިޕޯޓުތައް ބުނެއެވެ.