އިއްޔެ އެންމެ ބޯކޮށް ވާރޭ ވެހުނީ ތޮއްޑޫއަށް

ފާއިތުވި 24 ގަޑިއިރު އެންމެ ބޯކޮށް ވާރޭ ވެހުނުކަމަށް ރެކޯޑް ކުރެވިފައިވަނީ އއ. ތޮއްޑޫއަށް ކަމަށް މެޓް އޮފީހުން ބުނެފިއެވެ.

މެޓް އޮފީހުގެ ތަފާސްހިސާބުތައް ދައްކާގޮތުން މޭ 19 ވަނަ ދުވަހުގެ 08:00 އިން މޭ 20 ވަނަ ދުވަހުގެ 08:00 އާހަމައަށް އެންމެ ބޯކޮށް ވާރޭވެހުނީ ތޮއްޑޫއަށެވެ. އެރަށް 60.3 މިލިމީޓަރުގެ ވާރޭ ވެހިފައިވެއެވެ.

ތޮއްޑޫގެ އިތުރުން ށ. ފުނަދޫއަށް 52.2 މިލިމީޓަރުގެ ވާރޭ ވެހިފައިވާއިރު ލ. ކައްދޫއަށް 43.1 މިލިމީޓަރުގެ ވާރޭ އަދި ނ. މާފަރަށް 37.7 މިލިމީޓަރުގެ ވާރޭ ވެހިފައިވާ ކަމަށްވެސް މެޓް އޮފީހުން ހާމަކޮށްފައިވެއެވެ.

ރާއްޖެ ސަރަހައްދަށް ހުޅަނގު މޫސުމުގެ ވިއްސާރަ ކުރަމުންދާއިރު އެކި ހިސާބުތަކަށް އަންނަނީ މޫސުމީ އެލާޓްތައް ނެރެމުންނެވެ. މި ވިއްސާރާގައި ރާއްޖޭގެ އެކި ރަށްރަށަށް އަންނަނީ އެކި ވަރުގެ ގެއްލުންތައް ލިބެމުންނެވެ.