ރާއްޖެއިން މި އަހަރު ހައްޖަށްދާ މީހުންގެ ފުރަތަމަ ގްރޫޕް މި މަހުގެ 31 ގައި ފުރާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
މިނިސްޓަރު ވިދާޅުވީ ހައްޖަށް މީހުން ގެންދިއުމުގެ އިންތިޒާމްތައް ހަމަޖެއްސުމުގައި މަސައްކަތްކުރާ އިސްފަރާތްތަކާއި އިދާރާތަކާއި ބައްދަލުކޮށް، މަޝްވަރާތައް ވެސް ކުރެވިފައިވާ ކަމަށެވެ. އެގޮތުން ހައްޖަށްދާ މީހުންގެ ފުރުމާ ގުޅޭ އިންތިޒާމުތައް މިހާރު ހަމަޖެހިފައިވާ ގޮތުން ރާއްޖެ އިން ހައްޖަށްދާ މީހުން މި މަހުގެ 31 ވަނަ ސައުދީ އަރަބިއްޔާ އަށް ފުރާނެ ކަމަށް ޝަހީމު ވިދާޅުވި އެވެ.
ހައްޖުވެރިން ފުރުމުގެ އިންތިޒާމްތަކެއް ވަނީ ފުރިހަމަކުރެވިފަ. މިކަމަށްޓަކައި ކުރަންޖެހޭ ތައްޔާރީތައް ވަނީ މުއައްސަސާތަކާ ގުޅިގެން ކޮށް ނިމިފަ. ފުރަތަމަ ފުލައިޓް ފުރަނީ 31 މެއި 2024 ވާ ހުކުރު ދުވަހު. ފުރުމުގެ އިންތިޒާމްތަކާ ގުޅޭ ކަންކަމުގައި މުއައްސަސާތަކާ ވަނީ މަޝްވަރާކޮށްފަ. pic.twitter.com/H9DZdGC3xZ
— Mohamed Shaheem Ali Saeed (@Mohamedshaheem1) May 19, 2024
މި އަހަރު ރާއްޖޭގެ ހައޖު ކޯޓާ އެއްކޮށް ހައްޖު ކޯޕަރޭޝަނަށް ދޭން އޮތީ ނިންމައިފަ އެވެ. އެހެންވެ މި އަހަރު ހުރިހާ ދިވެހިން ވެސް ހައްޖަށް ދާނީ އެ ކުންފުނީގެ ހަވާލުގަ އެވެ. މި އަހަރުގެ ހައްޖު ކޯޓާގެ ތެރެއިން 50 ޖާގަ ސަރުކާރުން ވަނީ ނިކަމެތި ފަގީރުންނަށް ހާއްސަކޮށް، ސަރުކާރުގެ ހަރަދުގައި ހައްޖަށް ގެންދަން ނިންމައިފަ އެވެ.