ގދ. އަތޮޅު ރަަފެލްސް މޯލްޑިވްސް ރިސޯޓްގައި ކަޔަކްގައި މޫދަށް ފައިބައި އުޅެނިކޮށް ގެއްލުނު ބިދޭސީ މީހާ ފެނިއްޖެއެވެ.
އިއްޔެ ހެނދުނު މޫދަށް ފޭބި މީހާ ގެއްލިގެން އުޅޭކަމުގެ ރިޕޯޓް ފުލުހުންނަށް ލިބުނީ އިއްޔެ މެންދުރު 03:00 ގައި ކަމަށް ފުލުހުން މައުލޫމާތު ދީފައިވެއެވެ. އަދި އޭގެފަހުން އެމީހާ ހޯދުމުގެ މަސައްކަތް އައީ ކުރަމުންނެވެ.
ފުލުހުން މިއަދު ހެނދުނު ބުނެފައިވަނީ ގެއްލިގެން ހޯދަމުންދިޔަ މީހާ ކަޔަކް ބޯޓުގައި ގއ. އަތޮޅު ރިސޯޓަކަށް މިއަދު ގޮސްފައިވާ ކަމަށެވެ. އަދި މީހާގެ ހާލު ރަނގަޅު ކަމަށެވެ.
މި މީހާއަކީ ރަަފެލްސް މޯލްޑިވްސް ރިސޯޓްގެ ދޯނީގައި މަސައްކަތް ކުރާ ބަންގްލަދޭޝް ރައްޔިތެކެވެ.