އިންޑިއާގެ ބަތަލާ ޔާމީ ގޯތަމް އަށް ފިރިހެން ކުއްޖަކު ލިބިއްޖެ އެވެ.
ދަރިފުޅު އުފަންވި ވާހަކަ ސޯޝަލް މީޑިއާގައި މިއަދު އިއުލާންކޮށް، ކުއްޖާގެ ނަން ވެސް ހިއްސާކޮށްފައިވެ އެވެ. ދަރިފުޅަށް ކިޔަނީ ވެދާވީދު އެވެ.
ޔާމީ އާއި ޑައިރެކްޓަރު އަދިތިޔާ ދާރް އަށް ދަރިއަކު ލިބެން އުޅޭކަން އިއުލާންކުރީ މި އަހަރުގެ ފެބްރުއަރީ މަހުގެ ތެރޭގަ އެވެ. އެ ދެ މީހުން ކައިވެނިކުރީ 2021 ގަ އެވެ. އަދިތިޔާ އަކީ ޔާމީ އާއި ވިކީ ކޯޝަލް ކުޅުނު 2019 ގެ ކާމިޔާބު ވަތަނީ ފިލްމު "އުރީ: ދަ ސާޖިކަލް ސްޓްރައިކް" ގެ ޑައިރެކްޓަރެވެ. އޭނަ މިހާރު އަންނަނީ ރަންވީރު ސިންގް ހިމަނައިގެން "ދުރަންދަރު" ކިޔާ ފިލްމެއްގެ މަސައްކަތް ފެށުމަށް ތައްޔާރުވަމުންނެވެ.
ދެހާސް ބާރައިގެ "ވިކީ ޑޯނާ" އިން ބޮލީވުޑަށް ނުކުތް ޔާމީގެ އެންމެ ފަހުގެ ފިލްމަކީ ފެބްރުއަރީގައި ރިލީޒްކުރި "އާޓިކަލް 370" އެވެ.