ރާއްޖޭގެ ޓޫރިޒަމް އިޝްތިހާރު ކުރުމަށް ޖަޕާނުގެ ބޮޑެތި މީޑިއާތަކުގެ ނޫސްވެރިންތަކެއް ރާއްޖެެ އައިސްފި އެވެ.
އެ ގައުމުގެ ނޫސްވެރިންތަކެއް ރާއްޖެ އައީ މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ކުރިއަށް ގެންދާ ފެމިލިއަރައިޒޭޝަން ދަތުރުތަކުގެ ތެރެއިން ދަތުރެއްގައެވެ. އެ ކުންފުނިން ބުނީ ޖަޕާނުގެ ނޫސްވެރިން ރާއްޖެ ގެނައުމުގެ މައިގަނޑު މަގުސަދަކީ ރާއްޖޭގެ ޓޫރިޒަމް ދާއިރާ ފުޅާވެފައިވާ މިންވަރު ޖަޕާނުގެ މާކެޓުގައި ދައްކުވައި ދިނުމުގެ އިތުރުން ރާއްޖެ އަށް އެ ގައުމުގެ ޓޫރިސްޓުން އަންނަ މިންވަރު އިތުރުކުރުމަށް ކަމަށެވެ.
ޖަޕާނުން އައި މީޑިއާ ޓީމްގައި ވޯގް ޖަޕާން އޮންލައިން، ސީއާރްއީއޭ ވެބް، ނިއުމެރޯ ޓޯކްޔޯޖޭޕީ އަދި މައިނާވީގެ ނޫސްވެރިން ހިމެނެ ކަމަށެވެ. މި ޓީމު މިމަހުގެ 24 ވަނަ ދުވަހާ ހަމައަށް ރާއްޖޭގައި ތިބޭނެ އެވެ. މި ޓީމު ތިބޭނީ ކުރަމަތި ހުވަފެންފުށި، މޫވެންފިކް ރިޒޯޓް ކުރެދިވަރުގެ އިތުރުން ލަކްސް ސައުތު އަރީގަ އެވެ.
މީގެ ކުރިން ވެސް އެކިއެކި ގައުމުތަކުގެ މީޑިއާ ޓީމްތައް ރާއްޖެ ޕްރޮމޯޓްކުރަން ގެނެސްފައިވެ އެވެ.