ކ. ތުލުސްދޫގައި ގެސްޓްހައުސްއެއް އަޅައި އެތަން ހިންގާނެ ބަޔަކު ހޯދަން އެ ރަށު ކައުންސިލުން އިއުލާންކޮށްފި އެެވެ.
ކައުންސިލުން ނެރުނު އިއުލާނެއްގައި ބުނީ ގެސްޓްހައުސް އަޅަން ބޭނުން ވަނީ ތުލުސްދޫ ލޯކަލް އޮތޯރިޓީ ކޮމްޕެނީ ލިމިޓެޑަށް ރަށުގެ ޓޫރިޒަމް ޒޯނުން ހަމަޖައްސާފައިވާ 1،4871.07 އަކަފޫޓް ބިމެއްގައި ކަމަށެވެ. އެހެންވެ ޑިވެލޮޕް އެންޑް އޮޕަރޭޝަންގެ އުސޫލުން ގެސްޓްހައުސް އަޅައި، އެތަން ހިންގާނެ ބަޔަކު ބޭނުންވާ ކަމަށް ބުންޏެވެ.
މި ބީލަމުގައި ރަޖިސްޓްރީވުމުގެ ފުރުސަތު މިއަދުން ފެށިގެން މި މަހުގެ 27 އާ ހަމައަށް ވަނީ ހުޅުވާލައިފަ އެވެ. މިކަމާ ގުޅޭ ގޮތުން ބާއްވާ ޕްރީ-ބިޑް އޮންނާނީ މި މަހުގެ 30 ވަނަ ދުވަހުގެ މެންދުރު ފަހު 1:00 ތުލުސްދޫ ކައުންސިލް އިދާރާގަ އެވެ.
ބީލަން ހުށަހަޅަން ޖެހެނީ އަންނަ މަހުގެ 9 ގަ އެވެ.
މިކަމާ ބެހޭ އިތުރު މައުލޫމާތު 7810048 އާއި 6640191 އިން ހޯދޭނެ އެވެ.