މިދިޔަ މަހު ބޭއްވި ރައްޔިތުންގެ މަޖިލީހުގެ އިންތިހާބުގައި ވާދަކުރި ކެންޑިޑިޑޭޓުން މާލީ ބަޔާން ހުށަހަޅަން ދިން މުއްދަތު މާދަމާ ހަމަވާނެ ކަމަށް އިލެކްޝަން ކޮމިޝަން (އީސީ) އން ބުނެފި އެވެ.
އެ ކޮމިޝަބުން ބުނީ މިހާތަނަށް މާލީ ބަޔާން ހުށަހެޅީ 60 އެއްހާ ކެންޑިޑޭޓުން ކަމަށެވެ. މިދިޔަ މަހުގެ 19 ގައި ބޭއްވި މަޖިލިސް އިންތިހާބުގައި ޖުމްލަ 368 ކެންޑިޑޭޓުން ވާދަކުރި އެވެ.
އިންތިހާބުކުރި ކެންޑިޑޭޓުންނާއި ނުވާ ކެންޑިޑޭޓުން ވެސް މާލީ ބަޔާން ހުށަހެޅުމަކޫ ލާޒިމު ކަމެކެވެ. އީސީން ބުނީ މާލީ ބަޔާން ހުށަހަޅަން ދިން މުއްދަތުގެ ތެރޭގައި ހުށަނާޅާ ކެންޑިޑޭޓުންނަށް ފިޔަވަޅު އަޅާނެ ކަމަށެވެ. މާލީ ބަޔާން ހުށަނާޅައިފި ނަމަ ނުވަތަ މާލީ ބަޔާނުގައި ދޮގު މައުލޫމާތެއް ދީފި ނަމަ، އެ ކެންޑިޑޭޓެއްގެ އަދަބަކީ، އެއް އަހަރު ދުވަހުގެ މުއްދަތަށް ޖަލަށްލުން ނުވަތަ 72،000.00ރ. އިން ޖޫރިމަނާކުރުމެވެ.
ވިހި ވަނަ މަޖިލީހަށް ހޮވުނު މެންބަރުން ހުވާކުރަން ހަމަޖެހިފައި ވަނީ މި މަހުގެ 28 ގަ އެވެ.