އަޔަލޭންޑުން ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަންނަން ތައްޔާރުވެއްޖެ އެވެ.
މީޑީއާ ރިޕޯޓުތައް ބުނާގޮތުން ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަތުމާ ގުޅޭގޮތުން އައިލެންޑްގެ ބޮޑުވަޒީރު ސައިމަން ހެރިސް އާއި ސަރުކާރު ކޯލިޝަނުގައި ހިމެނޭ ބޭފުޅުން ވަނީ އަޔަލޭންޑްގެ ކެބިނެޓްގައި ބައެއް މެމްބަރުންނާ އެކު އިއްޔެ މަޝްވަރާކޮށްފަ އެވެ. އަދި މިއަދުގެ ވަގުތެއްގައި އެކަން ރަސްމީކޮށް އިއުލާން ކުރާނެ ކަމަށްވެސް ރިޕޯޓުތައް ބުނެ އެވެ.
އަޔަލެންޑުން ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަތުމަށް ތައްޔާރުވެފައިވާއިރު، އިޒްރޭލުގެ ފޮރިން މިނިސްޓްރީން ވަނީ މިއީ ޓެރަރިޒަމަށް ހިތްވަރު ދިނުމުގެ އަމަލެއްގެ ގޮތުގައި ސިފަކޮށްފަ އެވެ.
އަޔަލެންޑްގެ އިތުރުން ޔޫރަޕްގެ އިތުރު ދެ ގައުމަކުން ވެސް ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަތުމަށް ތައްޔާރުވަމުންދާ ކަމަށް ރިޕޯޓުތައް ބުނެ އެވެ.
އދ. ގައި ހިމެނޭ 193 ގައުމުތަކުގެ ތެރެއިން މިހާތަނަށް 137 ގައުމަކުން ފަލަސްތީނުގެ ދައުލަތް ވަނީ ބަލައިގެންފަ އެވެ.