މުޅި ރާއްޖެ އަށް ފުލުހުންގެ ހިދުމަތް ފުޅާކުރަން ކުރަމުން އަންނަ މަސައްކަތުގެ ތެރެއިން މި އަހަރުގެ ތެރޭގައި އިތުރު 12 ޕޮލިސް ސްޓޭޝަނެއް ހުޅުވާނެ ކަމަށް ފުލުހުން ބުންޏެވެ.
ފުލުހުންގެ ފާއިތުވި ހަ މަސް ދުވަހުުގެ މަސައްކަތްތަކާ ގުޅޭ ގޮތުން އާންމުކުރި ތަފާސްހިސާބުތަކުގައި ފާހަގަކޮށްފައިވާ އިރު، ފާއިތުވި ހަ މަހުގެ ތެރޭގައި ރާއްޖޭގެ އެކި ހިސާބުތަކުގައި 19 ޕޮލިސް ޕޯސްޓެއް ހުޅުވާފައިވެ އެވެ. ފުލުހުން ބުނެފައިވާ ގޮތުގައި އެ 19 ޕޮލިސް ޕޯސްޓް ހުޅުވާފައި ވަނީ ޑރ. މުހައްމަދު މުއިއްޒުގެ ވެރިކަމުގެ ފުރަތަމަ 100 ދުވަހުގެ ތެރޭގަ އެވެ.
އެގޮތުން މި މި ސަރުކާރުން އައި ފަހުން ޕޮލިސް ޕޯސްޓްތައް ހުޅުވި އިތުރަށް ރަށްށަކީ ހދ. ކުރިނބި، ހދ. ނެއްލައިދޫ، ށ. ޅައިމަގު، ނ. ޅޮހި، ނ. ހެނބަދޫ، ނ. މާޅެންދޫ، ނ. މިލަދޫ، ބ. މާޅޮސް، ބ. ކިހާދޫ، ބ. ކުޑަރިކިލު، ބ. ހިތާދޫ، ވ. ތިނަދޫ އަދި ވ. ފުލިދޫ، ދ. ހުޅުދެލި، ތ. ވަންދޫ، ތ. ގާދިއްފުށި އަދި ލ. މާބައިދޫގަ އެވެ.
ފުލުހުން ބުނީ ރައްޔިތުންނާ ވީހާ ވެސް ގާތުން ހިދުމަތް ދިނުމާއި ކޮންމެ ރަށެއްގައި ވެސް ފުލުހުން ގާއިމުވެ ތިބެ ޚިދުމަތް ދިނުމާއި ފުލުހުންގެ ޚިދުމަތް ފުޅާކުރުމަކީ ވަރަށް ބޮޑު އިސްކަމެއް ދީފައިވެ އެވެ.
މީގެ ކުރީގެ ސަރުކާރުތަކުގެ ދުވަސްވަރު ވެދސް ރާއްޖޭގެ އެކި ރަރަށްރަށުގައި ޕޮލިސް ޕޯސްޓްތައް ހުޅުވައި ހިދުމަތް ދޭން ފަށާފައިވެ އެވެ.