އިނގިރޭސިވިލާތުގެ ލަންޑަނުބް ފުރައިގެން އިއްޔެ ސިންގަޕޫރަށް ދަތުރު ކުރަނިކޮށް ކޮޅިގަނޑެއްގައި ޖެހި ސިންގަޕޫރް އެއާލައިންސް ބޯޓަކަށް އެރި ލޮޅުމުގައި މަރުވީ އިނގިރޭސިވިލާތުގެ މީހެއް ކަމަށް ބުނެފި އެވެ.
އެ ހާދިސާގެ ތެރޭގައި ހާޓްއެޓޭކެއް ޖެހިގެން މަރުވީ ޖިއޮފްރީ ކިޗެން ކިޔާ 73 އަހަރުގެ މީހެކެވެ.
އިއްޔެގެ މި ހާދިސާއާ ގުޅިގެން ބޯޓުން ދަތުރުކުރި ގިނަ ބަޔަކަށް އެކި ވަރުގެ އަނިޔާވެފައިވާ އިރު، އޭގެ ތެރެއިން ހަތް މީހަކު ހާލު ސީރިއަސް އެވެ. އެވެ. ވައިގެ ތެރޭގައި ހިނގި ހާދިސާއާ ގުޅިގެން Q321 ބޯޓް ވަނީ ބޭންކޮކޮށް ޑައިވާޓްކޮށްފަ އެވެ.
ހާދިސާއާ ގުޅިެން ސިންގަޕޫރް އެއާލައިންސުން ވަނީ މައާފަށް ވެސް އެދިފަ އެވެ. އެ އެއާލައިނުން ބުނީ ބޯޓަށް ވަރުގަދަ ލޮޅުމެއް އެރީ މިއަންމާ ހިސާބުން ކަމަށެވެ.
އެ ހާދިސާ ހިނގި އިރު ބޯޓުން ދަތުރުކުރި މީހުންގެ ތެރޭގައި ހިމެނެނީ އިނގިރޭސިވިލާތުގެ 47 މީހަކާއި އޮސްޓްރޭލިއާގެ 56 މީހެއްގެ އިތުރުން ސިންގަޕޫރުގެ 41 މީހެކެވެ. ބޯޓުން ދަތުރުކުރި މީހުންގެ ތެރެއިން 143 މީހަކު ފަހުން ވަނީ އެހެން ބޯޓެއްގައި ބެންކޮކުން ސިންގަޕޫރަށް ގެންގޮސްފަ އެވެ.