ހެލިކޮޕްޓަރު ވެއްޓުނު ހާދިސާގައި އަވަހާރަވި އިރާންގެ ރައީސް އިބްރާހިމް ރައީސީގެ ޖަނާޒާ ބާއްވައިފިއެވެ.
ހެލިކޮޕްޓަރު ވެއްޓުނު ހާދިސާގައި އީރާނުގެ ރައީސް އިބްރާހީމް ރައީސީގެ އިތުރުން ފޮރިން މިނިސްޓަރު ހުސައިން އަމީރު އަބްދުالله ހައިންވެސް ވަނީ އަވަހާރަވެފައެވެ.
ރައީސީގެ ޖަނާޒާގައި ބައިވެރިވުމަށް އިރާންގެ ތެހެރާނުގެ ސިޓީ ސެންޓަރަށް ގިނަ ބަޔަކު ޖަމާވިއެވެ. ޖަނާޒާގައި އިރާންގެ ރޫހާނީ ލީޑަރު އާޔަތުﷲ އަލީ ޚާމަނާ ވެސް ބައިވެރިވެވަޑައިގެންފައިވެއެވެ. ރައީސީ ފަސްތާނުލުމަށް ހަމަޖެހިފައިވަނީ މާދަމާގެ ވަގުތެއްގައެވެ.
Minutes ago Imam Khamenei led the funeral prayer over the bodies of President Ebrahim Raisi and his esteemed companions pic.twitter.com/eSFemTDsne
— Khamenei.ir (@khamenei_ir) May 22, 2024
ރައީސީ އިރާންގެ ރައީސްގެ މަގާމަށް އިންތިހާބުވީ 2021 ވަނަ އަހަރުއެވެ.
އިރާނުގެ މީޑިއާތަކުން ރިޕޯޓުކޮށްފައިވާ ގޮތުގައި އެކްސިޑެންޓު ހިނގީ ރައީސީ، އެގައުމުގެ އަވަށްޓެރި އަޒަރުބައިޖާނަށް ކުރެއްވި ދަތުރުފުޅަށްފަހު އެނބުރި ގައުމަށް ވަޑައިގެންނެވި މަގުމަތީގައެވެ.
ރައީސީ އަވަހާރަވުމުން އިރާނުގެ ރައީސްގެ މަގާމާ ހަވާލުވެފައިވަނީ ނައިބުރައީސް މުހައްމަދު މޮޚްބެރްއެވެ. އިރާނުގެ ޤާނޫނުއަސާސީ ބުނާގޮތުން މިފަދަ ހާލަތެއް މެދުވެރިވެއްޖެނަމަ 50 ދުވަހުގެ ތެރޭގައި އިންތިހާބު ބާއްވަންޖެހެއެވެ. ބޭރު މީޑިއާތަކުން ރިޕޯޓު ކޮށްފައިވާ ގޮތުގައި، އާ ރައީސަކު އިންތިހާބު ކުރުމަށް ބާއްވާ އިންތިހާބު ބޭއްވުމަށް ހަމެޖެހިފައިވަނީ ޖޫން 28 ވަނަ ދުވަހުއެވެ. އިންތިހާބުގައި ވާދަކުރުމުގެ ފުރުސަތު މޭ 30 އިން ޖޫން 3 ގެ ނިޔަލަށް ލިބޭނެއެވެ.