މިފްކޯގެ ސީއީއޯގެ މަގާމުން ރޭ ވަކިކުރި އަހްމަދު ޝަމާހު ފިޝަރީޒް މިނިސްޓްރީގެ ސްޓޭޓް މިނިސްޓަރަށް އައްޔަންކޮށްފި އެވެ.
އޭނަ އެ މަގާމަށް އައްޔަންކުރިކަން މިއަދު ބައެއް މީޑިއާތަކަށް ކަށަވަރު ވެސް ކޮށް ދެއްވާފައިވެ އެވެ.
މިފްކޯގެ ސީއީއޯގެ މަގާމުން ޝަމާހު ވަކިކުރިކަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން ރޭ އިއުލާންކުރީ ސޯޝަލް މީޑިއާ ޕޯސްޓެއްގަ އެވެ. ނަމަވެސް ވަކިކުރި ސަބަބެއް ހާމަކޮށްފައެއް ނުވެ އެވެ.
އޭނަ މަގާމުން ވަކިކުރި އިރު، ޝަމާހާ ގުޅޭ ގޮތުން ބަލަމުން ދިޔަ މައްސަލަތަކަކާ ގުޅިގެން ކުރިން ސަސްޕެންޑް ވެސް ކޮށްފައިވެ އެވެ.