ޝާހްރުކް ޚާނާއި ކަރަން ޖޯހަރް އެކީގައި ފެންނަ އިޝްތިހާރެއް ދައްކާލައިފި އެވެ.
މިއީ އެއް ތާކުން ގިނަ ބްރޭންޑްތަކުގެ ހެދުން ހެޔޮއަގުގައި އޮންލައިންކޮށް ގަންނަން ލިބެން ހުންނަ މިންތުރާގެ އިޝްތިހާރެކެވެ.
ޝާހްރުކާއި ކަރަން އެކީގައި އިޝްތިހާރަކުން ދައްކައިލި އިރު، މި ދެ މީހުން އެކީގައި ކާމިޔާބު ފިލްމުތަކެއް ގެނެސްދީފައިވެ އެވެ. ކަރަން ޑައިރެކްޝަނަށް ނުކުތީ ޝާހްރުކް ލީޑް ރޯލު ކުޅުނު 1998 ގެ "ކުޗް ކުޗް ހޯތާ ހޭ" އިންނެވެ.
އޭގެ ފަހުން އެ ދެ މީހުން އެކީގައި 2000 ވަނަ އަހަރުގެ "ކަބީ ހުޝ ކަބީ ޢަމް" އާއި 2005 ގެ "ކަބީ އަލްވިދާ ނާ ކެހެނާ" އާއި 2010 ގެ "މައި ނޭމް އިޒް ޚާން" ގެ މަސައްކަތްކޮށްފައިވެ އެވެ. މީގެ އިތުރުން ކަރަންގެ 2016 ގެ "އޭ ދިލް ހެ މުޝްކިލް" ގެ ހާއްސަ ފެނިލުމެއްގައި ޝާހްރުކް ހިއްސާވެފައިވެ އެވެ.
ކަރަން އާއި ޝާހްރުކަކީ އަބަދު ވެސް ވަރަށް ގާތް ދެ އެކުވެރިންނެވެ. އެއަށް ވުރެ ބޮޑަށް އެ ދެ މީހުން ދެކެނީ އާއިލާއެއް ގޮތުގަ އެވެ.