އަންނަ އާދީއްތަ ދުވަހު ދިރާސީ އާ އަހަރު ފަށަން ތައްޔާރުވަމުން އަންނަ އިރު، އަތޮޅުތަކުގެ ސްކޫލްތަކަށް ޓެކްސްޓް ފޮތްތައް ގެންދިއުމުގެ މަސައްކަތް ފުލުހުން ފަށައިފި އެވެ.
އެޑިއުކޭޝަން މިނިސްޓްރީން ބުނީ ފުލުހުންގެ އެހީ އަށް މިއަދު މިކަމުގައި އެދުމުން ފޮތްތައް ރަށްރަށަށް ގެންދިއުމުގެ މަސައްކަތް މިހާރު ކަނޑުމަގުން ކުރިއަށްދާ ކަމަށެވެ. ފުލުހުންގެ އެހީ އަށް މިނިސްޓްރީން އެދުނީ މި ދުވަސްވަރު ވަރަށް ބޮޑަށް މޫސުން ގޯސްވެ، ތަކެތި ފޮނުވަން ކުރިމަތިވި ހުރަސްތަކާ ހެދި އެވެ.
ނަމަވެސް ސްކޫލް ފެށެންވާ އިރަށް ހުރިހާ ސްކޫލަކަށް ވެސް ތަކެތި ފޮނުވައި ނިމޭނެކަމުގެ އުންމީދު ބޮޑު ކަމަށް އެޑިއުކޭޝަން މިނިސްޓްރީން ބުންޏެވެ.