އައްޑޫގެ ޓޫރިޒަމް އިޝްތިހާރިކޮށް، ޕްރޮމޯޓްކުރުމަށްޓަކައި އެންމވާން އައްޑޫ ސިޓީ ކައުމްސިލުން ނިންމައިފި އެވެ.
އެގޮތަށް ނިންމީ ކައުންސިލުން އިއްޔެ ބޭއްވި 142 ވަނަ ޖަލްސާގަ އެވެ. އެ ޖަލްސާ އަށް އެ މައްސަަ ހުށަހެޅުއްވީ ހިތަދޫ ރަސްގެދަރި ދާއިރާގެ ކައުންސިލަރު ހުސައިން ޒަރީރެވެ. މައްސަލަ ހުށަހަޅުއްވަމުން އޭނަ ވިދާޅުވީ އެމްއެމްޕީއާރްސީގެ މެންބަރަކަށް އައްޑޫ ސިޓީ ކައުންސިލްވުމަކީ އެ ކުންފުންޏަކާ ގުޅިގެން އައްޑޫގެ ޓޫރިޒަމް އިޝްތިހާރުކޮށް، މާކެޓް ކުރުމަށް މަގުފަހިވާނެ ކަމެއް ކަމަށެވެ.
އެހެންވެ އެމްއެމްޕީއާރްސީގެ މެމްބަރަކަށްވެ، މެމްބަޝިޕް ފީއެެއްގެ ގޮތުގައި ކޮންމެ އަހަރަކު ދައްކަން ޖެހޭ އަދަދު ވެސް ކައުންސިލުން ދައްކާނެ ކަމަށް ޒަރީޒު ވިދާޅުވި އެވެ. އެގޮތުން ޖީއެސްޓީއާ ނުލައި، އަހަރީ ފީގެ ގޮތުގައި ދައްކަން ޖެހޭނީ 350 ޑޮލަރު ކަމަށާއި އެ ފައިސާ ކައުންސިލް އިދާރާގެ ބަޖެޓަށް ކޯޑެއް އިތުރުކޮށްގެން ހަމަޖައްސަން ޒަރީރު ހުށަހަޅުއްވާފައިވެ އެވެ.
އޭނަގެ މި ނިންމެވުމަށް ދެ ކައުންސިލަރަކު ތާއީދު ކުރެއްވި އެވެ. އެއީ ޑެޕިއުޓީ މޭޔަރު މުހައްމަދު ޝުއާއު އާއި މީދޫ ކައުންސިލަރު އައިމިނަތު ސާލިހާ އެވެ. އެ ދެ ކައުންސިލަރުން ވެސް ވިދާޅުވީ އައްޑޫގެ ޓޫރިޒަމް ކުރިއެރުވުމަށްޓަކައި އެމްއެމްޕީއާރްސީގެ މެންބަރަކަށްވުމަކީ ވަރަށް ވެސް މުހިއްމު ކަމެއް ކަމަށެވެ.
އެމްއެމްޕީއާރްސީ އަކީ ރާއްޖޭގެ ޓޫރިޒަމް އިޝްތިހާރު މާކެޓް ކުރުމަށް ހާއްސަކޮށްގެން އުފައްދާފައިވާ ސަރުކާރުގެ ކުންފުންޏެކެވެ.