ރާއްޖޭގެ ބޮޑު ސަރަހައްދަކަށް ނެރެފައިވާ އޮރެންޖް އެލާޓްގެ ވަގުތު އިތުރު ކޮށްފިއެވެ.
މޫސުން ގޯސްވެ މެޓް އޮފީހުން އޮރެންޖް އެލާޓް ނެރެފައިވަނީ ހއ. އަތޮޅުން ފެށިގެން ވ. އަތޮޅާއި ދެމެދުގެ ސަރަހައްދަށެވެ. އެލާޓްގެ ވަގުތު މެޓް އޮފީހުން އިތުރު ކޮށްފައިވަނީ 11:15 އިން މެންދުރުފަހު 03:15 އަށެވެ.
މެޓް އޮފީހުން ބުނެފައިވަނީ މިވަގުތުގައި ގަދަވަޔާއެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. އެގޮތުން ގަޑިއަކު 34 މޭލާއި 40 މޭލާއި ދެމެދުގެ ބާރުމިނުގައި ވައިޖެހޭނެ ކަމަށާއި އަދި ވިލާގަނޑުގައި ގަޑިއަކު 60 މޭލަށް ވައިގަދަވާނެ ކަމަށްވެސް ލަފާކޮށްފައިވެއެވެ. އަދި ކަނޑުތައްވެސް ގަދަވާނެ ކަމަށް ލަފާކޮށްފައިވެއެވެ.
ރާއްޖެ ސަރަހައްދުގެ މޫސުން ވަރަށް ބޮޑަށް ގޯސްވެ އޮރެންޖް އެލާޓްތައް ރާއްޖޭގެ އެކި ސަރަހައްދުތަކަށް އަންނަނީ ނެރެމުންނެވެ.