ޗައިނާގެ ޒިޒާންގް އޮޓޮނޮމިކް ރީޖަންގެ ރައްޔިތުންގެ ފަރާތުން 1،500 ޓަނުގެ މިނަރަލް ވޯޓަ ރާއްޖެއަށް ހަދިޔާކޮށްފި އެވެ.
ފޮރިން މިނިސްޓްރީގައި މިއަދު ބޭއްވި ރަސްމިއްޔާތެއްގައި ހަދިޔާއާ ރާއްޖޭގެ ފަރާތުން ހަވާލުވެވަޑައިގެންނެވީ ފޮރިން މިނިސްޓަރު މޫސާ ޒަމީރެވެ. ފެން ހަވާލުކޮށް ދެއްވީ ރާއްޖޭގައި ހުންނަވާ ޗައިނާގެ ސަފީރު ވަންގ ލިޒިން އެވެ.
ފޮރިން މިނިސްޓްރީން ޗައިނާ އިން ހަދިޔާކުރި ފެން ބަހާނީ ބޯފެނުގެ ދަތިކަން ޖެހޭ ދުވަސްވަރު ބޭނުންކުރުމަށް ރާއްޖޭގެ އެކި ރަށްރަށަށެވެ.
މިނިސްޓަރު ވަނީ ރާއްޖެ އާއި ޗައިނާ ދެމެދު އޮންނަ ގާތް ގުޅުން ފާހަގަ ކުރައްވައި ޗައިނާ އިން ހަދިޔާ އަށް ޝުކުރު ވެސް އަދާކުރައްވައިފަ އެވެ.