ސައްހަ ނޫން ޓެލެގްރަފިކް ޓްރާންސްފާ (ޓީޓީ) ފޮނުވައިގެން ބޭރުގެ ކުންފުނިތަކުން ވިޔަފާރިކުރި މައްސަލައިގައި މިދިޔަ އަހަރު ދައުވާކުރި ހުސެއިން ޝިފާއު އަށް މި ސަރުކާރުން ދިން މަގާމުން ވަކިކޮށްފި އެެވެ.
މީގެ ހަތަރު ވަރަކަށް ދުވަސް ކުރިން އޭނަ އައްޔަންކުރީ ދަނޑުވެރިކަމާ ބެހޭ މިނިސްޓްރީގެ ސީނިއާ ޕޮލިޓިކަލް ޑިރެކްޓަރުގެ މަގާމަށެވެ. ނަމަވެސް ޝިފާއު މަގާމަށް އައްޔަންކުރި މީޑިއާތަކުގައި ދެކެވެން ދެށުމާ އެކީ ސަރުކާރުން ވަނީ އޭނަ އަށް މަގާމު ދެވުނީ ދައުވާއާ ބެހޭ މައުލޫމާތު ކުރިން ލިބިފައި ނެތުމުން ކަމަށް ބުނެ މަގާމުން މިއަދު ވަކިކޮށްފަ އެވެ.
ކިންގްޑަމް އޮފް ފުރުޓްސް" ކިޔާ، އަމިއްލަ ފަރުދެއްގެ ވިޔަފާރިއެއް މެދުވެރިކޮށް، ރާއްޖެއިން ބޭރުގެ ކުންފުނިތަކާ އެކު ހިންގި މުއާމަލާތްތަކުގައި މަކަރާއި ހީލަތް ހަދާފައިވާ ކަމަށް ބުނެ ޝިފާއު އޭޕްރިލް 28، 2023 ގައި ހައްޔަރުކުރި އެވެ. އަދި އޭރު
އޭނަގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން، މުޖުތަމައަށް ނުރައްކަލެއް ނެތް ކަމަށް ބުނެ ޖެހިގެން އައި މަހު އޭނާ ދޫކޮށްލި އެވެ.
އެ މައްސަލަ ދައުލަތުން އިސްތިއުނާފް ކުރިއިރު ޝިފާއު ރާއްޖެ އިން ބޭރަށް ފުރާފައިވެ އެވެ. އަދި ފުލުހުން އޭނަ ހީދަން އިންޓަޕޯލްގެ ރެޑް ނޯޓިސް ނެރުމުން ޝިފާއު އަމިއްލަ އަށް ރާއްޖެ އައިސްފައިވެ އެވެ. އެއާ އެކީ އޭނާގެ ޕާސްޕޯޓު ހިފަހައްޓައި ޝަރުތުތަކާއެކު ދޫކޮށްލި އެވެ.