މާޗްގައި ރިލީޒްކުރި ބޮލީވުޑްގެ ކާމިޔާބު ފިލްމު "ކްރޫ" މާދަމާ ނެޓްފްލިކްސް އިން ޕްރީމިއާކުރަން ނިންމައިފި އެވެ.
މި ހެއިސްޓް ކޮމެޑީ އަކީ އެކްތާ ކަޕޫރާއި ރިއާ ކަޕޫރް ޕްރޮޑިއުސްކޮށް، ރާޖޭޝް ކްރިޝަން ޑައިރެކްޓްކުރި ފިލްމެކެވެ. އަންހެން ތިން ކެބިން ކްރޫއެއްގެ ވާހަކަ ކިޔައިދޭ "ކްރޫ" ގެ ބަތަލާއިންނަކީ ކަރީނާ ކަޕޫރާއި ތައްބޫގެ އިތުރުން ކްރިތީ ސެނަން އެވެ.
މާޗް 29 ގައި ރިލީޒްކުރި ފިލްމަށް ބޮކްސް އޮފީހުގައި 156.36 ކްރޯޑް ރުޕީސް (18.02 މިލިއަން ޑޮލަރު) ގެ އާމްދަނީއެއް ލިބުނު އިރި، ފިލްމު ހެދީ 75 ކްރޯޑް ރުޕީސް (9.01 މިލިއަން ޑޮލަރު) ގެ ބަޖެޓަކުންނެވެ.
"ކްރޫ" އަކީ އެކްތާ އާއި ރިއާ ގުޅިގެން ގެނެސްދިން ތިން ވަނަ ޗިކް ފްލިކެވެ. އެ ދެ މީހުން ކުރިން ގެނެސްދިން ފިލްމުތަކަކީ މިދިޔަ އަހަރުގެ "ތޭންކް ޔޫ ފޯ ކަމިން" އާއި 2018 ގެ "ވީރޭ ދީ ވެޑިން" އެވެ.