ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ އިންތިހާބީ މެންބަރު މުހައްމަދު އަލްސަން އަހުމަދު ވެސް ޕީއެންސީ އަށް މިއަދު ސޮއިކޮށްފި އެވެ.
އަމިއްލަ ގޮތުން ވާދަކޮށް ގޮނޑި ކާމިޔާބު ކުރި މެންބަރު ވެރިކަން ކުރާ ޕާޓީއާ ގުޅުނުކަން މިހާރު ވަނީ ރަސްމީކޮށް އިއުލާން ވެސްކޮށްފަ އެވެ.
ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ އިންތިޚާބީ މެމްބަރު މުޙައްމަދު އަލްސަން އަޙްމަދު މިއަދު ޕީއެންސީއާ ގުޅިވަޑައިގެންފި pic.twitter.com/KK2BbZrCr9
— PNC Secretariat (@pnc_secretariat) May 23, 2024
އަލްސަން ޕީއެންސީއާ ގުޅުމާ އެކީ އެ ޕާޓީގެ މަޖިލިސް މެންބަރުންގެ އަަދަދު މިހާރު 75 އަށް އަރަ އެވެ. އެއީ އަމިއްލަ ގޮތުން ވާދަކުރެއްވި 8 މެންބަރަކު އެ ޕާޓީއާ ގުޅުމުންނެވެ.
މިދިޔަ މަހުގެ 21 ގައި ބޭއްވި 20 ވަނަ މަޖިލިސް އިންތިހާބުގައި ޕީއެންސީން ޖުމްލަ 66 ގޮނޑި ކާމިޔާބުކުރި އެވެ.
ޖުމްލަ 93 މެންބަރުން ހިމެނޭ އާ މަޖިލިސް އަންނަ އަންގާރަ ދުވަހު ހުވާކުރާނެ އެވެ.