ސަރުކާރު ހިންގާ ޕާޓީ، ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ސެކްރެޓަރީ ޖެނަރަލްގެ މަޤާމަށް ޒީނާޒް ޢަދުނާން ހަމަޖައްސަވައިފިއެވެ.
ޕީއެންސީގެ އެސްޖީގެ މަގާމަށް ޒީނާޒް އައްޔަނު ކޮށްފައިވަނީ އިއްޔެއެވެ. ޒީނާޒް ވަނީ ޕީއެންސީގެ ޕްރައިމަރީގައި ފުވައްމުލަކު ދެކުނު ދާއިރާއަށް ވާދަކުރައްވާފައެވެ. އެހެންނަމަވެސް ޕްރައިމަރީގައި ކާމިޔާބީ ލިބިފައެއް ނުވެއެވެ.
ޒީނާޒްއަކީ ލޯކަލް ގަވަމަންޓް މިނިސްޓަރު އާދަމް ޝަރީފްގެ އަނބިކަނބަލުންނެވެ. ޒީނާޒް ވަނީ މީގެ ކުރިން ކުޑަކުދިންގެ ހިޔާގެ ސީއީއޯކަންވެސް ކުރައްވައިފައެވެ.
އިލެކްޝަންސް ކޮމިޝަންގެ ދަފްތަރު ދައްކާގޮތުން ޕީއެންސީގައި މިހާރު ތިބީ ޖުމުލަ 27،704 މެންބަރުންނެވެ. އެ ޕާޓީގެ ރައީސް އަކީ ރައީސް ޑރ. މުހައްމަދު މުއިއްޒުއެވެ. އަދި ޗެއާޕާސަންގެ މަގާމުގައި ހުންނެވީ ރައިސްގެ ސްޕެޝަލް އެޑްވައިޒަރު އަދި ފޮނަދޫ ދާއިރާގެ އިންތިހާބީ މެންބަރު އަބްދުއްރަހީމް އަބްދުﷲ އެވެ.