ވިއްސާރައިގައި ކާބޯތަކެއްޗާއި ޒަރޫރީ ތަކެއްޗަށް ދަތިވެފައިވާ ރަށްރަަށަށް މޫސުން އަނެއްކާވެސް ގޯސްވުމުގެ ކުރިން ކާބޯތަކެއްޗާއި ޒަރޫރީ ތަކެތި ގެންދިއުމަށް ނޭޝަނަލް ޑިޒާސްޓަ މެނޭޖްމަންޓް އޮތޯރިޓީ (އެންޑީއެމްއޭ) އިން އިލްތިމާސްކޮށްފިއެވެ.
އެންޑީއެމްއޭއިން މިއަދު ބުނެފައިވަނީ ރާއްޖެއަށް މިހާރު ކުރަމުންދާ ވިއްސާރައިގައި ކަނޑު ދަތުރު ކުރުމަށް ބުރޫ އަރާފައި ވާތީ ބައެއް ރަށްރަށުން ކާޑުގެ ބާވާތްތަކާއި ޒަރޫރީ ތަކެއްޗަށް ދަތިވެފައިވާކަމަށެވެ.
މާދަމާއިން ފެށިގެން ބުދަ ދުވަހާ ހަމައަށް ކަނޑުދަތުރު ކުރެވޭ ވަރަށް މޫސުން ތަންދޭކަމަށް މެޓް އޮފީހުން މައުލޫމާތުދޭ ކަމަށްވެސް އެންޑީއެމްއޭއިން ބުނެފައިވެއެވެ. އެހެންކަމުން ރަށްރަށުގެ ހާލަތު ބައްލަވައި، މި މުއްދަތުގެ ތެރޭގައި ކާބޯތަކެއްޗާއި ޒަރޫރީ ތަކެތި ރަށްރަށަށް ގެންދިޔުމަށް ވަނީ އިލްތިމާސް ކޮށްފައެވެ.
އާދީއްތަ (26/05/2024) އިން ފެށިގެން އަންނަ ބުދަ (29/05/2024) އާ ހަމައަށް ކަނޑުދަތުރު ކުރެވޭ ވަރަށް މޫސުން ތަންދޭކަމަށް @MetMaldivesމަޢުލޫމާތު ދެއްވައެވެ.
ވީމާ،ރަށްރަށުގެ ހާލަތު ބައްލަވައި،މި މުއްދަތުގެ ތެރޭގައި ކާބޯތަކެއްޗާއި ޒަރޫރީ ތަކެތި ރަށަށް ގެންދިޔުމަށް އިލްތިމާސް ކުރަމެވެ— NDMA Maldives (@NDMAmv) May 25, 2024
މިދިޔަ ހަފުތާގައި ރާއްޖެ ސަރަހައްދުގެ މޫސުން ވަރަށް ބޮޑަށް ގޯސްވިއިރު ފުލުފުލުގައި ރާއްޖޭގެ އެކި ސަރަހައްދުތަކަށް ވަނީ ޔެލޯ އަދި އޮރެންޖް އެލާޓްތައް ނެރެފައެވެ. އަދި ވައިގަަދަވެ ކަނޑުގަދަވުމުން، ކޮންމެހެން ކުރަންޖެހޭ ދަތުރެެއް ނޫނީ ނުކުރުމަށްވެސް އޮތީ އިލްތިމާސްކޮށްފައެވެ.