މި ސަރުކާރުން އުފެއްދި މޯލްޑިވްސް އިންޓަނޭޝަނަލް ފައިނޭންޝަލް ސާސަސް އޮތޯރިޓީ ހިންގާނެ އިމާރާތެއް ކުއްޔަށް ހޯދަން އިއުލާންކޮށްފި އެވެ.
އިކޮނޮމިކް މިނިސްޓްރީން ކުރި އިއުލާނެއްގައި މިއަދު ބުނީ އެ އިދާރާ ހިންގުމަށް ކުއްޔަށް އިމާރާތެއް ބޭނުން ވަނީ ފަސް އަހަރަށް ކަމަށެވެ. އަދި އެތަން ވާން ޖެހޭނީ 700-1،000 އަކަފޫޓްގެ ތަނަކަށް ކަމަށް ބުންޏެވެ.
މިކަމާ ގުޅޭ ގޮތުން މައުލޫމާތު ދޭން ބާއްވާ ސެޝަނެއް އަންނަ ބުރާސްފަތި ދުވަހުގެ މެންދުރު ފަހު 1:00 ގައި މިނިސްޓްރީންގައި އޮންނާނެ އެވެ. އަދި އިމާރާތް ކުއްޔަށް ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު އަންނަ މަހުގެ 3 އާ ހަމައަށް ވަނީ ހުޅުވާލައިފަ އެވެ.
ރާއްޖޭގެ ޑިވެލޮޕްމެންޓް ބޭންކުތަކާއި އިންޓަނޭޝަނަލް ފައިނޭންޝަލް ސެންޓަރުތައް ގާއިމު ކުރުމަށް، މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީގެ ނަމުގައި އިދާރާއެއް އުފެއްދީ މި އަހަރުގެ ޖެނުއަރީ މަހުގެ ތެރޭގަ އެެވެ. އެ އިދާރާ އުފެއްދުމުގެ މައިގަނޑު ބޭނުމަކީ ރާއްޖޭގެ ސްޕެޝަލް އިކޮނޮމިކް ޒޯން ގާނޫނުގައި ބަޔާންވެފައިވާ އޮފްޝޯ އަދި އޮންޝޯ ފައިނޭންސިން ޚިދުމަތްތަކާއި އޮންޝޯ އަދި އޮފްޝޯ ޑިވެލޮޕްމެންޓް ބޭންކިން ޚިދުމަތް ގާއިމް ކުރުމަށެވެ.
ފައިނޭންސް އޮތޯރިޓީގެ ޗެއާޕާސަނަކަށް ކުރީގެ ނައިބު ރައީސް އަބްދުﷲ ޖިހާދެވެ.