ގއ. ވިލިނގިލި ޕޮލިސް ސްޓޭޝަންގެ ބެލުމުހެ ދަށުގައި ހުރި ގިނަ އަދަދެއްގެ ބަނގުރާ އަނެއްކާ ވެސް ނައްތާލައިފި އެވެ.
ފުލުހުން ނައްތައިލި ތަކެތީގެ ތެރޭގައި ހިމެނެނީ 212 ފުޅި ބަނގުރަލާއި 50 ދަޅު ބިޔަރު ކަމަށެވެ. މި ތަކެއްޗަކީ މި އަހަރުގެ އެޕްރީލް މަހުގެ 17 އިން ފެށިގެން މި މަހުގެ 2 ވަނަ ދުވަހާ ހަމައަށް ކޫއްޑޫ އެއާޕޯޓުން ފުރަން ދިޔަ ޓޫރިސްޓުންގެ އަތުން އެމްއެންޑީއެފް އިން ހިފަހައްޓައި ފުލުހުންނާ ހަވާލުކޮށްފައިވާ ތަކެތި ކަމަށް ވެސް ފުލުހުން ބުންޏެވެ.
ވިލިނގިލި ޕޮލިސް ސްޓެޝަނުގައި ބަނގުރާ ނައްތައިލީ ފުލުހުންގެ ބެލުމުގެ ދަށަށް ގެންދެވޭ ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާނެ ގޮތުގެ ގަވާއިދުގެ ދަށުން އެކަަމަށްޓަކައި އެކުލަވާފައިވާ ކޮމެޓީގެ ބެލުމުގެ ދަށުންނެވެ.