ސިނަމާލެ ބުރިޖާ ދިމާލު ކަނޑުމަތިން އިއްޔެ އޮޔާ ދަނިކޮށް ފެނުނު މީހާ އަކީ ބިދޭސީ އަންހެނެއް ކަމަށް އައިޖީއެމްއެޗުން މިއަދު ބުނެފި އެވެ.
ކަނޑުމަތިން މީހަކު އޮޔާދާކަމުގެ ރިޕޯޓް ފުލުހުންނަށް ލިބުނީ އިއްޔެ މެންދުރު ފަހު 12:35 ހާއިރު އެވެ. އެކަމާ ގުޅިގެން ހަށިގަނޑުު ނަގައިގެން ހޮސްޕިޓަލަށް ގެންދިޔަ އިރު ވެސް މަރުވެފައިވާ ކަމަށް އައިޖީއެމްއެޗުން ބުނެފައިވެ އެވެ.
އެ ހޮސްޕިޓަލުން ބުނީ އެއީ ބިދޭސީއެއް ނަމަވެސް އެ މީހާގެ ވަނަވަރު މިހާތަނަށް އަދި ސާފުވެފައި ނުވާ ކަމަށެވެ. ނަމަވެސް ނަމަވެސް އެއީ ކޮން ގައުމެއްގެ މީހެއްތޯ އާއި ކާކުތޯ ދެނެގަތުމުގެ މަސައްކަތް ކުރަމުން އަންނަ ކަމަށް އައިޖީއެމްއެޗުން ބުންޏެވެ.
ފުލުހުން ވެސް އަންނަނީ މިކަން އިތުރަށް ބަލަމުންނެވެ.