ރ. އުނގޫފާރުގައި މިދިޔަ ބުރާސްފަތި ދުވަހު ކަރަންޓްގައި ޖެހުނު ޒުވާނާ އިތުރު ފަރުވާ އަށް މާލެ ގެންގޮސްފި އެވެ.
އެ ރަށު ކުޑަކުދިން ޕާކް ކައިރީ މަގުމަތީގައި ހެދިފައި އޮތް ފެންގަނޑަކަށް ކަަރަންޓް އައުމުން ދެ ކުއްޖަކު ސަލާމަތް ކުރަން އުޅެނިކޮށް ކަރަންޓުގައި ޖެހި ހާލު ސީރިއަސްވި 18 އަހަރުގެ ޒުވާނާ އިތުރު ފަރުވާ އަށް ސީ އެމްބިއުލާންސްގައި މާލެ ގެންދިޔަ އިރު، އޭނަ އަށް މިހާތަނަށް ފަރުވާ ދެމުން ދިޔައީ އުނގޫފާރު ރީޖަނަލް ހޮސްޕިޓަލްގެ އައިސީޔޫގަ އެވެ.
އެ ހާދިސާގައި ކަރަންޓްގައި ޖެހުނު އަނެއް ދެ ކުދިންނަކީ 12 އަހަރުގެ އަންހެން ކުއްޖަކާއި 8 އަހަރުގެ ފިރިހެން ކުއްޖެކެވެ. އެ ދެ ކުދިންނަށް ވެސް އުނގޫފާރު ހޮސްޕިޓަލްގައި ފަރު ދީފައިވެ އެވެ. ނަމަވެސް ފަހުން ވަނީ ދޫކޮށްލައިފަ އެވެ.