އިންޑިއާގެ ވެރިރަށް ނިއު ދިއްލީގެ ކުޑަކުދިންގެ ހޮސްޕިޓަލެއްގައި އަލިފާން ރޯވެ، ލިބުނު ގެއްލުންތަކުގެ ތެރޭގައި އަލަށް އުފަންވި ހަ ކުއްޖަކު މަރުވެއްޖެ އެވެ.
މީޑިއާތަކުން ބުނީ ރޭ މި ހާދިސާ ހިނގީ ދިއްލީގެ ވިވެކް ވިހާރު ޑިސްޓްރިކްޓްގައި ހިންގަމުން އަންނަ ހޮސްޕިޓަލެއްގައި ކަމަށެވެ. ހޮސްޕިޓަލްގައި ރޯވި ހާދިސާގައި ހަ ކުއްޖަކު މަރުވި އިރު، އެ ކުދިން ތިބި ޔުނިޓްގައި އަލަށް ވިހޭ 12 ކުއްޖަކު ތިބި ކަމަށް ހޮސްޕިޓަލްގެ މެނޭޖްމަންޓާ ހަވާލާދީ ފުލުހުން ބުންޏެވެ. ސަލާމަތްވި ކުދިންނަށްނަށް އެހެން ހޮސްޕިޓަލެއްގައި މިހާރު އަންނަނީ ފަރުވާ ދެމުންނެވެ.
#WATCH | Delhi: A massive fire broke out at a New Born Baby Care Hospital in Vivek Vihar
As per a Fire Officer, Fire was extinguished completely, 11-12 people were rescued and taken to hospital and further details are awaited.
(Video source – Fire Department) https://t.co/lHzou6KkHH pic.twitter.com/pE95ffjm9p
— ANI (@ANI) May 25, 2024
ކުދިންތައް މަރުވީ ދުމުގެ އަސަރުކޮށްގެން ކަމަށް ވެސް ފުލުހުން ބުންޏެވެ. ފުލުހުން ބުނީ މިހާތަނަ ބެލި ބެލުމުން އަލިފާން ރޯވާން އިމާރާތުގެ ފުރަތަމަ ބުރީގައި ހުރި އޮކްސިޖެން ސިލިންޑަރެއް ގޮވައިގެން ކަމަށެވެ.
މި ހާދިސާއާ ގުޅިގެން ބޮޑުވަޒީރު ނަރެންދުރަ މޯދީ އާއި ދިއްލީގެ ޗީފް މިނިސްޓަރު އަރުވިންދު ކެޖްރިވާލް ކަންބޮޑުވުން ފާޅުކުރައްވާފައިވެ އެވެ.
އިއްޔެ މެންދުރު އިންޑިއާގެ ގުޖްރާތުގެ ރާޖްކޮޓްގެ ކުޅިވަރު އިމާރާތެއްގައި ވެސް ރޯވެ 24 މީހަކު މަރުވެ، އެތައް ބަޔަކު ޒަހަމްވެފައިވެ އެވެ.