"ބުރުނު ޝިކާރު" މުބާރާތް މިއަދު ފަށައިފި އެވެ.
މިއީ ގައުމީ ބޮޑީބޯޑިން ލީގުގެ ފުރަތަމަ މުބާރާތެވެ. މި މުބާރާތް ކުރިއަށް ދާނީ މިއަދުން ފެށިގެން މި މަހުގެ ނިޔަލަށް މާލޭ ރާޅުގަނޑު ސަރަހައްދުގަ އެވެ. މުބާރާތުގައި މި ފަހަރު ޖުމްލަ 26 ރާޅާއެޅުންތެރިން ބައިވެރިވެ އެވެ. މިއީ ބުރުނު ޝިކާރުގެ ހަ ވަނަ މުބާރާތެވެ.
މިދިޔަ އަހަރުގެ ބުރުނު ޝިކާރު ބޮޑީބޯޑިން މުބާރާތުގެ ޗެމްޕިއަންކަން ހޯދީ އަޝްރަފް ހަސަނެވެ. އޭނަ ޗެމްޕިއަންކަން ހޯދީ ފައިނަލުގައި ބޮޑީބޯޑަރު އަލީ ޚުޝްރުވާން (ކުޑަ އައްޔަ) ބަލިކޮށެވެ.
ބުރުނު ޝިކާރު މުބާރާތުގެ ފަނޑިޔާރުކަން ކުރާނީ އިންޓަނޭޝަނަލް ސެޓިފައިޑް ފަނޑިޔާރުންނެވެ.