އަންނަ މަހު ޝޫޓިން ފަށަން ތައްޔާރުވަމުން އަންނަ ސަލްމާން ޚާންގެ އާ ފިލްމު "ސިކަންދަރު" ގެ ވިލަންއަކަށް "ބާހްބަލީ" ގައި ކަޓައްޕާގެ ރޯލު ކުޅުނު އެކްޓަރު ސަތިއާރާޖް ހަމަޖައްސައިފި އެވެ.
މިކަން އޭނަ ވެސް މީޑިއާތަކަށް ކަށަވަރުކޮށް ދީފައިވާ އިރު، ފޭނުން މިހާރު އަންނަނީ ކަޓައްޕާ އާއި ސަލްމާންގެ ކުރިމަތިލުން ވަރަށް ޝައުގުވެރިވާނެ ކަމަށް ބުނަމުންނެވެ. އެސްއެސް ރާޖަމޯލީ ޑައިރެކްޓްކޮޑް ދެ ބަޔަކަށް ގެނެސްދިން "ބާހްބަލީ" ގައި ސަޖިއަރާޖް ކުޅުނު ކަޓައްޕާގެ ކެރެކްޓާ އަކީ އާންމުންގެ މެދުގައި ވަރަށް ބޮޑު މަގުބޫލު ހޯދި ކެރެކްޓާއެކެވެ. އަދި އެ ރޯލުގެ ސަބަބުން ސަތިއާރާޖް އަށް ބޮޑު މަޝްހޫރުކަމެއް ވެސް ލިބުނެވެ.
The villain of #Salmankhan's – Telugu actor SathyaRaj (Katappa).
👌
This movie of Salman Khan is a sure blockbuster, 🔥
This movie will achieve huge success with the characters of this film. All the characters of this film are looking strong. 👌💯💪#SikandarOnEid2025#Sikandar pic.twitter.com/tQfL22aXwS— EᑎTEᖇ10🧢 (@Enter10ON) May 26, 2024
"ސިކަންދަރު" ގެ ވިލަންގެ ރޯލަށް އޭނަ ސޮއިކުރި އިރު، އާންމުކޮށް ތަމަޅަ އާއި ތެލެގޫ ފިލްމުތައް ކުޅޭ 69 އަހަރުގެ އެކްޓަރު މީގެ ކުރިން ވެސް ހިންދީ ބައެއް ފިލްމުތަކުގައި މަސައްކަތްކޮށްފައިވެ އެވެ. އޭގެ ތެރޭގައި ޝާހްރުކް ޚާނާއި ދީޕިކާ ޕަދްކޯންގެ 2013 ގެ "ޗެންނާއި އެކްސްޕްރެސް" އާއި "ބާހްބަލީ" ގެ އެކްޓަރު ޕްރަބާސްގެ 2022 ގެ "ރާދޭ ޝާމް ހިމެނެ އެވެ.
އަންނަ މަހުގެ 7 ގައި ރިލީޒްކުރަން ހަމަޖެހިފައިވާ ބޮލީވުޑްގެ ހޮރޯ-ކޮމެޑީ "މުންޖިއާ" ގެ ރޯލަކުން ވެސް ސަތިއަރާޖް ފެންނާނެ އެވެ.
އަންނަ އަހަރުގެ ފިތުރު އީދުގައި ރިލީޒްކުރަން ހަމަޖެހިފައިވާ "ސިކަންދަރު" އަކީ ތަމަޅަ ޑައިރެކްޓަރު އޭއާރް މުރްގަދޯސް ޑައިރެކްޓްކުރާ އެކްޝަން ތުރިލާއެކެވެ. މީގެ ބަތަލާ އަކީ ދެކުނުގެ ޒުވާން ބަތަލާ ރަޝްމިކާ މަންދަނާ އެވެ.