އޮފިޝަލް ޕާޓްނަރެއްގެ ގޮތުގައި ރާއްޖެ ބައިވެރިވާ މި އަހަރުގެ "އައިޓީބީ ޗައިނާ" ފެއާ މިއަދު ފަށައިފި އެވެ.
މި ފެއާގައި ރާއްޖެ އިން 100 އަށް ވުރެ ފަރާތްތަކުން ބައިވެރިވާ އިރު، ރާއްޖޭގެ ޓީމްގައި އެންމެ އިސްކޮށް ހުންނެވީ ޓޫރިޒަމް މިނިސްޓަރު އިބްރާހީމް ފައިސަލެވެ.
ފެއާ މިއަދު ފަށަން ބޭއްވި ރަސްމިއްޔާތު ވަރަށް ކުލަގަދަކޮށް ކުރިއަށް ގެންދިޔަ އިރު، މިނިސްޓަރު ރަސްމިއްޔާތުގައި ވާހަކަ ވެސް ދެއްކެވި އެވެ.
"އައިޓީބީ ޗައިނާ" ކުރިއަށް ދާނީ މިއަދުން ފެށިގެން މި މަހުގެ 29 އަށް ޝަންހާއީގެ ވޯލްޑް އެކްސްޕޯ އެގްޒިބިޝަން އެންޑް ކޮންވެންޝަން ސެންޓަރުގަ އެވެ. ފެއާގައި ރާއްޖޭގެ ސަގާފަތާއި ކެއުން ތަޖުރިބާކޮށްލުމުގެ ފުރުސަތު ވެސް ޒިޔާރަތްކުރާ ފަރާތްތަކަށް ލިބޭނެ އެވެ. މިއާ އެކީ ރާއްޖޭގެ ޕްރޮމޯޓް ކުރުމުގެ ގިނަ ހަރަކާތްތަކެއް ކުރިއަށް ދާނެ އެވެ.
ޗައިނާގެ އެންމެ ބޮޑު އެއް ޓްރެވަލް ފެއާގައި ރާއްޖެ ބައިވެރިވާ އިރު ރާއްޖެ އަށް މިހާރު އެންމެ ގިނަ ޓޫރިސްޓުން އަންނަނީ ވެސް އެ ގައުމުންނެވެ. ޗައިނާ އިން މި އަހަރުގެ މިހާތަނަށް ރާއްޖެ އައި ޓޫރިސްޓުންގެ އަދަދު 100،000 އާ ގާތް ކުރެ އެވެ.