ބަންގްލަދޭޝަށް ބާރުގަދަ ތޫފާނެއް އަރާ އެތައްހާސް ބަޔަކު ރައްކާތެރި ހިސާބުތަކަށް ބަދަލުކުރަން ޖެހިއްޖެއެވެ.
ތޫފާނު ""ރެމަލް" ބަންގްލަދޭޝަށް އަރާފައިވަނީ އިއްޔެގެ ވަގުތެއްގައެވެ.
ބަންގަލަދޭޝްގެ ކަމާބެހޭ އިދާރާތަކާ ހަވާލާދީ ބޭރު މީޑިއާތަކުން ރިޕޯޓު ކޮށްފައިވާ ގޮތުގައި މި ތޫފާނުގައި ގަޑިއަކު 75 މޭލާއި 80 މޭލާއި ދެމެދުގެ ބާރުމިނުގައި އަންނަނީ ވައިޖެހެމުންނެވެ. އަދި ކަމާބެހޭ ފަރާތްތަކުން، ނުރައްކާތެރިކަމުގެ ސިގްނަލް އޭގެ އެންމެ މަތީ ދަރަޖަ ކަމަށްވާ 10 އަށް އުފުލާފައިވާ ކަމަށްވެސް ރިޕޯޓު ކޮށްފައިވެއެވެ.
ބޭރު މީޑިއާތަކުން ރިޕޯޓު ކޮށްފައިވާ ގޮތުގައި 8 ލައްކައަށް ވުރެއް ގިނަ މީހުން ވަނީ ރައްކާތެރި ހިސާބުތަކަށް ބަދަލުކޮށްފައެވެ. އަދި 13 މީހަކަށް އެކިވަރުގެ އަނިޔާވުމުގެ ސަބަބުން ފަރުވާއަށް ހޮސްޕިޓަލަށް ގެންގޮސްފައިވާ ކަަމަށްވެސް ރިޕޯޓް ކޮށްފައިވެއެވެ.
މިދިޔަ އަހަރުމޭ މަހު ބަންގްލަދޭޝަށް އެރި ތޫފާނުގައި 3000 އަށްވުރެ ގިނަ މީހުން މަރުވެފައިވެއެވެ.