ބޮލީވުޑްގެ ކުރީގެ ބަތަލާ ބިޕާޝާ ބާސޫ ފޮތެއް ލިޔުމުގެ މަސައްކަތް ފަށައިފި އެވެ.
އަމިއްލަ ނަސުފަށް އޮންނަ އިތުބާރާއި ދިރިއުޅުމާ ދޭތެރޭ ޕޮޒިޓިވްކޮށް ދެކުމާ ގުޅޭ ގޮތުން ލިޔާ ފޮތް ނެރެން ހަމަޖެހިފައި ވަނީ އަންނަ އަހަރު އެވެ. ނަން އަދި އިއުލާން ނުކުރާ މި ފޮތް ނެރެން ނިންމާފައި ވަނީ ޕަބްލިޝިން ހައުސްއެއް ކަމަށްވާ ސަންޕްލާވާ ސީޑްސް އެންޑް އެލް ވެންޗާސްއާ ގުޅިގެންނެވެ.
އަލަށް ލިޔާ ފޮތާ ބެހޭ ގޮތުން ޕްރެސް ޓްރަސްޓް އޮފް އިންޑިއާ (ޕީޓީއައި) އަށް ބިޕާޝާ ބުނީ ދިރިއުޅުމާ ދޭތެރޭ އޭނަ އަމިއްލަ އަށް ދޭ ގޮތާއި އަމިއްލަ ހަޔާތާ ބެހޭ މުހިއްމު ބައެއް ވާހަކަތައް ވެސް ފޮތުގައި ހިއްސާކުރާނެ ކަމަށެވެ.
ބިޝާޕާ އަކީ 2016 ގައި ކައިވެނި ކުރި ފަހުން ބޮލީވުޑުން ގެއްލިފައިވާ ބަތަލާއެކެވެ. މިހާރު އަހަރެއްހާވީ އަންހެން ދަރިއަކު ވެސް އޮތް ކުރީގެ ކާމިޔާބު ބަތަލާގެ ފިރިމީހާ އަކީ އެކްޓަރު ކަރަން ސިންގް ގްރޯވާ އެވެ.
ބިޕާޝާ، 45، ގެ ކެރިއަރުގައި ވަރަށް ކާމިޔާބު ފިލްމުތަކެއް ކުޅެފައިވެ އެވެ. އޭގެ ތެރޭގައި "އަޖްނަބީ،" "ރާޒް"، "ޖިސްމު"، "ދޫމް 2" އަދި "އޯމްކާރާ" ފަދަ ފިލްމުތައް ހިމެނެ އެވެ.