ބޯކޮށް ވާރޭ ވެހޭނެ ކަމަށް ލަފާކޮށް މުޅި ރާއްޖެ އަށް މިއަދު ވައިޓް އެލާޓް ނެރެފި އެވެ.
އެ އެލާޓް ނެރެފައި ވަނީ މިރޭ 9:30 އާ ހަމައަށެވެ. މޫސުމާ ބެހޭ އިދާރާ އިން ބުނީ އެ ވަގުތާ ހަމައަށް ބޯކޮށް ވާރޭ ވެހުމާ އެކީ ގުގުރައި ވިލާގަނޑުގައި ގަޑިއަކު 45 މޭލަށް ވައި ގަދަވެ، ކަނޑު ވެސް ގަދަވާނެ ކަމަށް ލަފާކުރެވޭ ކަމަށެވެ.
މި ދުވަސްވަރު ރާއްޖޭގެ ހިސާބުތަކަށް މޫސުން ގޯސް އިރު، ބައެއް ހިސާބުތަކަށް ވިއްސާރައިގައި އެކި ވަރުގެ ގެއްލުންތައް ވެސް ވެފައިވެ އެވެެ. ހާއްސަކޮށް މި ވިއްސާރައިގެ ތެރޭގައި މިދިޔަ ހަފުތާގައި ވަރަށް ބޮޑަށް ވައި ގަދަވެ، އެކި ކަހަލަ ހާދިސާގތައް ހިނގާފައިވެ އެވެ.