އައްޑޫ ހިތަދޫގައި ހުންނަ ސްޓޭޓް ބޭންކް އޮފް އިންޑިއާ (އެސްބީއައި) ގެ އައްޑޫ ބްރާންޗުގެ މުވައްޒަފުންނަށް އެމްއެންޑީއެފް ސަދަން އޭރިއާ ކޮމާންޑުން އަލިފާނަށް ރައްކާތެރިވުމާ ގުޅޭ ސެޝަނެއް ބާއްވައިފިއެވެ.
އިއްޔެ ބޭއްވި މި ސެޝަންގައި އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، އަލިފާންނިވި އާއި ފަޔަ ބްލޭންކެޓް ބޭނުން ކުރާނެ ގޮތުގެ މުހިންމު މަޢުލޫމާތުތައް ކިޔައި ދީފައިވެ އެވެ. އަދި ސެޝަނުގައި ޢަމަލީ ގޮތުން އަލިފާން ނިއްވާނެ ގޮތް ދައްކައިދީ، އަލިފާން ނިއްވުމުގެ ހުނަރުތައް އުނގަންނައި ދީފައިވެ އެވެ.
މި ސެޝަންގައި އެސްބީއައި އައްޑޫ ބްރާންޗްގެ ހަ މުވައްޒަފަކު ބައިވެރިވި އެވެ.
ސެޝަން ނަގައިދިނީ އެމްއެންޑީއެފް ސަދަން އޭރިއާ ކޮމާންޑްގެ ހިތަދޫ ފަޔަ ސްޓޭޝަންގެ ފަޔަފައިޓަރުންނެވެ.