އެމެރިކާގެ 102 އަހަރުގެ އަންހެނަކާއި 100 އަހަރުގެ ފިރިހެނަކު ކައިވެނިކޮށްފި އެވެ.
ކުރީގެ ކައިވެނިތަކަށް މުނިކާފަ މުނިމާމަ ދަރިން ވެސް ލިބިފައި ވަނިކޮށް އެމެރިކާ ފިލަޑެލްފިއާގެ ދުވަސްވީ މީހުން ބަލަހައްޓާ މަރުކަޒެއްގައި ކައިވެކުރީ މާޖޯރީ ފިޓަމަން، 102، އާއި ބާނީ ލިޓްމަން، 100 އެވެ. އެ ދެ މީހުން ދިމާވެ ރައްޓެހިވީ ވެސް އެތަނުގަ އެވެ.
ދެ ފަރާތުގެ އާއިލާގެ މީހުންނާ އެކީ އެ މީހުންގެ ކައިވެނީގެ ހަފުލާ އޮތީ މި މަހުގެ 19 ގަ އެވެ.
އާއިލާ އިން ބުނި ގޮތުގައި މާޖޯރީ އެންމެ ފުރަތަމަ ދިމާބެ ޑޭޓަކަށް ދިޔައީ އެ މީހުން ތިބޭ ފެސިލީޓީގައި މީގެ 10 އަހަރު ކުރިން ބޭއްވި ކޮސްޓިއުމް ޕާޓީއެއްގެ ތެރޭގަ އެވެ. އެ ހަފުލާގެ ތެރޭގައި ދިމާވެގެން އުފެދުނު ރައްޓެހިކަން ލޯތްބަށް ބަދަލުވެ އެންމެ ފަހުން ކައިވެންޏާ ހަމައަށް ދިޔައީ އެވެ.
މިކަމާ އެ މީހުންގެ އާއިލާ އިން ތިބީ ވަރަށް އުފަލުންނެވެ.
ބާނީގެ ކާފަދަރިއެއް ކަމަށްވާ ސާރާ ސިޗަމަން ފޮކްސް ނިއުސްއާ ވާހަކަ ދައްކަމުން ބުނީ އެންމެ އުފާވީ އުމުރުން އެހާ ދުވަސްވެފައި ހުއްޓައި، ކާފައާ އެކީ ހުރިހާ ވަގުތެއް އެކީގައި ހޭދަކުރާނެ ބައިވެރިއެއް ލިބުން ކަމަށެވެ.
"އަހަރެމެން ދެކޭ ގޮތުގައި މި ދެ މީހުންނަކީ ވަރަށް ބޮޑު ދެ ނަސީބުވެރިން." ސާރާ ބުންޏެވެ.
ބާނީ އާއި މާޖޯރީގެ އާއިލާ އިން ބުނީ އެ މީހުން މިހާރު މަސައްކަތް ކުރަނީ ދުވަސްވީ ދެމަފިރިންނަށް ދުނިޔޭގެ ރެކޯޑް ފޮތުން ޖާގައެއް ހޯދުމަށެވެ. އެއީ ދެ މީހުންގެ އުމުރު އެއްކޮށްލުމުން އެންމެ ދުވަސްވީ ޖޯޑުގެ ރެކޯޑް ލިބޭތޯ އެވެ.