މިއަދު ހުވާކުރި ރައްޔިޔުންގެ އާ މަޖިލީހަކީ ޒާތީ ގޮތުން މީހުންގެ ޝަޚުޞު ކަތިނުލާ ޢަދުލުވެރި މަޖިލީހަކަށްވާނެކަމުގެ ފުރިހަމަ ޔަޤީންކަން އޮތް ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެ އެވެ.
މި ސަރުކާރުގެ އިސްލާމިކް މިނިސްޓަރުގެ މަގާމަށް އައްޔަންކުރުމުން 19 ވަނަ މަޖިލީހުން ރުހުން ނުދިން މިނިސްޓަރު މިއަދު ސޯޝަލް މީޑިއާ ޕޯސްޓެއްގައި ވަނީ 20 ވަނަ މަޖިލީހުހެ މެންބަރުންނަށް ތަހުނިޔާ ވެސް ފޮނުއްވައިފަ އެވެ.
"ވަކިން ޚާއްޞަކޮށް މަޖްލިސްގެ ރައީސާއި ނައިބް ރައީސަށް މަރުޙަބާ ދަންނަވައި ހެޔޮ ދުޢާރައްދު ކުރަން،" ޝަހީމު ވިދާޅުވި އެވެ. "އާ މަޖްލީހަކީ ޒތީގޮތުން މީހުންގެ ޝަޚުޞު ކަތިނުލާ ޢަދުލުވެރި މަޖްލީހަކަށްވާނެކަމުގެ ފުރިހަމަ ޔަޤީންކަން އެބައޮތް."
އާ މަޖިލީހުގެ ސުޕަ މެޖޯރިޓީ އޮތީ ސަރުކާރު ހިންގާ ޕީއެންސީއަށެވެ. އަދި މަޖިލީހުގެ ރައީސަކީ އެ ޕާޓީ އަށް ނިސްބަތްވާ ފޮނަދޫ ދާއިރާގެ މެންބަރު އަބްދުއްރަހީމް (އަދުރޭ) އެވެ. ނައިބު ރައީސަކީ ޕީއެންސީ އަށް ނިސްބަތްވާ ދިއްގަރު ދާއިރާގެ މެންބަރު އަހުމަދު ނާޒިމެވެ.
ވިހި ވަނަ މަޖިލީހުގައި 93 މެންބަރުން ހިމެނިވަޑައިގަނެ އެވެ.