ފެނަކައިން ކަރަންޓްގެ ހިދުމަތް ދޭ ހުރިހާ ރަށެއްގެ އިޖުޖިމާއީ ދިއްލުންތަކުގައި ބޭނުންކުރާ ލައިޓްތަކުގެ އިންސްޕެކްޝަނެއް ހަދަން ފަށައިފި އެވެ.
ފެނަކައިން ބުނީ އެ ކޯޕަރޭޝަނުން ހިދުމަތް ދެމުން އަންނަ ހުރިހާ ރަށެއްގައި ޖަހާފައި ހުރި ބައްތިތަކުގެ އިންސްޕެކްޝަން ކުރިއަށްގެންދާނީ ކައުންސިލްތަކާއި ގުޅިގެން ކަމަށެވެ. އެގޮތުން ކައުންސިލްތަކާއި ބައްދަލުކޮށް، ކައުންސިލްތަކާ ގުޅިގެން މި ބައްތިތަކުގެ ހުރި މައްސަލަތައް ބެލުމަށް ހަމަޖެހިފައިވާ ކަަމަށް ފެނަކައިން ބުންޏެވެ.
މި ކޯޕަރޭޝަނުން ހިދުމަތް ދެމުން ގެންދާ ހުރިހާ ރަށެއްގައި އިޖްތިމާއީ ދިއްލުންތަކަށް ބޭނުންކުރާ (ބަނދަރާއި މަގުމަތީގެ ) ބައްތިތަކުގެ އިންސްޕެކްޝަން މިހާރު ވަނީ ފެށިފައެވެ. މިގޮތުން، ކައުންސިލްތަކާއި ބައްދަލުކޮށް، ކައުންސިލްތަކާއި ގުޅިގެން މި ބައްތިތަކުގެ ހުރި މައްސަލަތައް… pic.twitter.com/AB8B8YloxU
— Fenaka Corporation Ltd (@TeamFenaka) May 28, 2024
ވަކިން ހާއްސަކޮށް މަގުބައްތިތަކުގައި އީއެލްސީބީ ހަރުކުރެވިފައިވޭތޯ ބެލުމަށް މަސައްކަތް ކުރަމުން އަންނަ ކަމަށް ފެނަކައިން ބުންޏެވެ. އެގޮތުން ކައުންސިލްތަކާ އެކީ އެއްބަސްވެވޭ ގޮތެއްގެ މަތިން، ދެމެހެއްޓެނެވި ގޮތެއްގައި ފެނަކައިގެ ފަރާތުން މަގު ބައްތިތައް ބެލެހެއްޓުމަށް ހުށަހެޅުމުގެ މަސައްކަތް ވެސް ކުރަމުން އަންނަ ކަމަށް ބުންޏެވެ.
ފެނަކައިން ބުނީ ގެ އަމާޒަކީ ފެނަކަ ހިދުމަތްދޭ ހުރިހާ ރަށެއްގެ މަގު ބައްތިތައް އެއް ސްޓޭންޑަޑެއްގައި ބެހެއްޓުން ކަމަށެވެ. އަދި އެފަދަ ކަންކަމުގައި މިހާރު ވެސް ކައުންސިލްތަކުން ގޮވާލައި ވަގުތުތަކުގައި ފެނަކައިގެ ޓެކްނިކަލް ބޭފުޅުންގެ އެހީތެރިކަން ފޯރުކޮށްދެމުން އަންނަ މަށް ބުންޏެވެ.
ރަށްރަށުުގެ މަގުބައްތިތަކުގެ އިންސްޕެކްޝަނެއް ހަދަން ފެނަކަ އިން މި ނިންމީ ރ. އުނގޫފާރުގައި މިދިޔަ ހަފުތާގައި ކުދިންތަކެއް މަގުމަތީގައި ކުޅެން އުޅެނިކޮށާް މަގުމަތިއެއްގެ ސަބަބުން ކަރަންޓްގައި ޖެހުނު ހާދިސާއެއް ހިނގާފައި ވަނިކޮށެވެ.