ޔޫތު މިނިސްޓްރީގެ ސިޔާސަތުތައް ތައްޔާރުކޮށް ދޭނެ ކޮންސަލްޓެންޓެއް ހޯދަން އިއުލާންކޮށްފި އެވެ.
އެ މިނިސްޓްރީގެ އިއުލާނެއްގައި ބުނީ ކޮންސަލްޓަންޓަކު ހޯދަނީ ކޮންޓްރެކްޓް އުސޫލުން އެއް އަހަރު ދުވަހުގެ މުއްދަތަށް ކަމަށެވެ. އެގޮތުން އެ މަގާމުގެ މުސާރައިގެ ގޮތުގައި ކަނޑައަޅާފައި ވަނީ މަހަކު 25،000ރ. އެވެ. މަސައްކަތް ކުރަން ޖެހޭނީ ރަސްމީ ގަޑީގައި އެކަންޏެވެ.
ކޮންސަލްޓެންޓްގެ މައިގަނޑު މަސައްކަތްތަކަކީ:
* މިނިސްޓްރޫގެ ސިޔާސަތުތައް ތައްޔާރު ކުރުން
* މިނިސްޓްރީގެ ސްޓްރެޓީޖިކް އެކްޝަން ޕްލޭން އެކުލަވާލުން
* ޕްލޭން ތަންފީޒުކުރުމުގެ އިދާރީ ކަންކަން ބެލެހެއްޓުން
* ޕްލޭންގެ ނަތީޖާ ރިވިއު ރިޕޯޓް ތައްޔާރު ކުރުން
* ބޭރުގެ އެހީ ލިބޭ، ބައިލެޓަރަލް/މަލްޓިލެޓަރަލް ޕްރޮޖެކްޓްތަކުގެ މަސައްކަތުގައި ބައިވެރިވުން
މިނިސްޓްރީން ބުނީ ކޮންސަލްޓަންޓްގެ ޝަރުތަކީ ގައުމީ ސަނަދުގެ އޮނިގަނޑުގެ ލެވެލް ހަތެއް ނުވަތަ އަށެއްގެ ސަނަދެއް ހާސިލުކޮށްފައިވުމާ އެކީ މެނޭޖްމަންޓް ނުވަތަ އެޑްމިނިސްޓްރޭޝަން ނުވަތަ ކޮންސަލްޓެންސީގެ ދާއިރާއެއްގައި މަދުވެގެން ތިން އަހަރު ދުވަހުގެ ތަޖުރިބާ ލިބިފައިވުން ކަމަށެވެ. ނުވަތަ ނުވަތަ، ގައުމީ ސަނަދުގެ އޮނިގަނޑުގެ ލެވެލް ނުވައަކުން ފެށިގެން (މަތީގެ ސަނަދެއް ހާސިލް ކޮށްފައިވުމާއެކު، މެނޭޖްމަންޓް ނުވަތަ އެޑްމިނިސްޓްރޭޝަން ނުވަތަ ކޮންސަލްޓެންސީގެ ދާއިރާއެއްގައި މަދުވެގެން ދެ އަހަރު ދުވަހުގެ ތަޖުރިބާ ލިބިފައިވުމެވެ.
ކޮންސަލްޓަންޓްގެ މަގާމަށް ކުރިމަތިލުމުގެ އެންމެ ފަހު ސުންގަޑި އަކީ އަންނަ މަހުގެ 5 އެވެ.