ބޮލީވުޑްގެ މަޝްހޫރު ތަރި އާމިރު ޚާންގެ ދަރިފުޅު ޖުނައިދު ޚާންގެ ފުރަތަމަ ފިލްމު "މަހާރާޖު އަންނަ މަހު ގެނެސްދޭން ނިންމައި އޭގެ ރަސްމީ ޕޯސްޓަރު މިއަދު އާންމުކޮށްފި އެވެ.
ޔާޝްރާޖް ފިލްމްސް (ވައިއާރްއެފް) އިން އުފައްފާދައިވާ މި ޕީރިއަޑް ފިލްމު ބެލުންތެރިންނަށް ދޫކޮށްލަން ހަމަޖެހިފައި ވަނީ އަންނަ މަހުގެ 14 ގައި ނެޓްފްލިކްސްއިންނެވެ. "މަހާރްޖް" އަކީ 1862 ގައި އިންޑިއާގައި ފެންމަތިވި ޖިންސީ ބޮޑު މައްސަލަގަނޑެއްގެ ވާހަކަ ގެނެސްދިން ނޫސްވެރިންތަކަކާ ދެކޮޅަށް ކުރި ދައުވާތަކެއްގެ މައްޗަށް ބިނާކޮށް ހަދާފައިވާ ފިލްމެކެވެ.
މީގެ ޑައިރެކްޓަރަކީ ވައިއާރްއެފްގެ 2018 ގެ "ހިޗްކީ" ގެނެސްދިން ސިދާތު ޕީ މަލްއުތުރާ އެވެ.
"މަހާރާޖް" ގެ ކާސްޓްގައި ޝަރުވާރީ ވާގް އާއި ޖައިދީޕް އަހުލުވާތުގެ އިތުރުން ޝާލިނީ ޕާންޑޭ ވެސް ހިމެނެ އެވެ.
މި ފިލްމު އަންނަ މަހު ބެލުންތެރިންނަށް ދޫކޮށްލި އިރު، ޖުނައިދުގެ އަތުގައި މިހާރު ވެސް ދެ ޕްރޮޖެކްޓެއް އެބައޮތެވެ. އެއީ ކުރީގެ ބަތަލާ ސްރީދޭވީގެ ހަގު ދަރިފުޅު ހުޝީ ކަޕޫރާ އެކީ ކުޅެމުން އަންނަ ތަމަޅަ ފިލްމު "ލަވް ޓުޑޭ" ގެ ރިމޭކްގެ އިިތުރުން ދެކުނުގެ ބަތަލާ ސައީ ޕައްލަވީއާ އެކީ ޖުނައިދު ފެންނާނެ ފިލްމެކެވެ.