ރާއްޖެއަށް ކުރަމުންދާ ވިއްސާރައިގައި އައްޑޫސިޓީގައި ފެން ބޮޑުވުމުން ފެން ހިންދުމުގެ މަސައްކަތް ސިފައިން ފަށައިފިއެވެ.
އެމްއެންޑީއެފްއިން ބުނެފައިވަނީ އައްޑޫސިޓީއަށް ބޯކޮށް ވާރޭވެހި، އައްޑޫސިޓީ ފޭދޫގެ ބައެއް މަގުތަކުގައި ފެން ބޮޑުވުމުން، ފެން ހިންދުމުގައި އެމްއެންޑީއެފް ސަދަން އޭރިއާ ކޮމާންޑް، ސ.ހިތަދޫ ފަޔަރ ސްޓޭޝަނުން ހަރަކާތްތެރިވަމުންދާ ކަމަށެވެ.
ރާއްޖެއަށް ކުރަމުންދާ ވިއްސާރައިގައި އައްޑޫ ސިޓީއަށް ބޯކޮށް ވާރޭވެހި، އައްޑޫ ސިޓީ ފޭދޫގެ ބައެއް މަގުތަކުގައި ފެން ބޮޑުވުމުން، ފެން ހިންދުމުގައި އެމްއެންޑީއެފް ސަދަން އޭރިއާ ކޮމާންޑް، ސ.ހިތަދޫ ފަޔަރ ސްޓޭޝަނުން ދަނީ ހަރަކާތްތެރިވަމުން. pic.twitter.com/O80YODEctf
— Maldives National Defence Force (@MNDF_Official) May 29, 2024
ރާއްޖެއަށް ހުޅަނގު މޫސުމުގެ ވިއްސާރަ ކުރަމުންދާއިރު، ތ. އަތޮޅުން އައްޑޫސިޓީއާ ހަމައަށްވަނީ މެންދުރު 02:30 އިން އިރުއޮށްސި 06:30 އަށް ވަނީ ވައިޓް އެލާޓްވެސް ނެރެފައެވެ. އަދި ހަމަ އެވަގުތުގަށް ހއ. އަތޮޅުން ދ. އަތޮޅާއި ހަމައަށް ވަނީ ޔެލޯ އެލާޓްވެސް ނެރެފައެވެ.
ރާއްޖެ ސަރަހައްދުގައި ހުޅަނގު މޫސުމުގެ ބާރު ގަދަވުމާއި ގުޅިގެން ކުރިއަށް އޮތް 3 ދުވަހު ރާއްޖޭގެ ސަރަހައްދަށް ގަދަވަޔާއެކު ވިއްސާރަކޮށް، އާންމު ވައި ގަދަވެ ކަނޑުތައް ގަދަވާނެ ކަމަށް މެޓް އޮފީހުން ލަފާކޮށްފައިވެއެވެ.